遊戲節目博盡 𥄫女胸 咬阿Dee 
姜濤男神崩壞

更新時間 (HKT): 2021.04.23 02:00
■姜濤在前晚一集中,遊戲甫開始已相當投入,見193犯規就出力箍實對方。電視圖片

人氣王姜濤一向給人乖乖仔形象,原來他也有鮮為人知的一面。ViuTV前晚起一連兩晚播出他參加節目《考友Feel》,姜濤不單玩到忘形,眾目睽睽望着女士的胸部,更「獸性大發」咬着ERROR成員何啟華(阿Dee)不放,連主持阮小儀都大叫:「見證姜濤成魔之路。」

玩到忘形唔識停

前晚播出的一集中,姜濤與眾人齊齊玩熱身遊戲,姜濤拿起相機除塵泵當道具時已不停揸來揸去,小儀問到為何要揀除塵泵,姜濤即表示:「舒服囉揸得!」身後的江𤒹生(Anson Kong,下稱AK)立即笑指:「姜B鍾意揸嘢。」姜濤在熱身過後表現得更「豪放」,於「究竟聽咗乜」環節中,姜濤做口形提示隊友估「食奶嘴」三個字,姜濤嘟嘴並偷𥄫身旁的劉若寶(Polly)胸脯,令Polly尷尬儍笑,AK與邱士縉(Stanley)即估中答案,姜濤興奮得拍手狂跳,更掩嘴大笑,Stanley即場重演姜濤斜望Polly動作,令Polly尷尬笑打姜濤。小儀笑說:「頭先見證姜B成魔之路,佢咁壞係因為呢個遊戲而開始。」

一心取勝的姜濤,在另一環節「瘋狂追聲族」中,視對手阿Dee為仇人,遊戲一開始,姜濤已攬實阿Dee,令他動彈不得。當兩隊再次對壘時,姜濤咬着阿Dee大髀,眾人不理二人「激戰」,更笑着自拍打卡。比賽完結後,姜濤失控咆哮咬着公仔,並問:「我有冇贏呀?」當小儀公佈結果時,姜濤與阿Dee在背後繼續「互片」,令全場爆笑。事後阿Dee笑說:「我見佢係昂貴財產,費事用力,不過呢個小朋友要學識真正教訓。」網民大讚搞笑,更留言:「男神崩壞」、「姜濤獸性大發,姜糖冧到暈」等。

193望彼此共贏

另外,姜濤在昨晚播出的第14集中繼續「忘我演出」,在試食ERROR成員郭嘉駿(193)的製成品時,露出痛苦表情,一輪掙扎後更忍不住吐到阿Dee手上,阿Dee直斥:「你咁多嘢唔玩,玩嘔?咁核突!你以為自己真係BB呀?」193試食後作嘔兼反白眼。姜濤又被193踢爆偷食雞尾包,他得戚解釋:「唔緊要啦!花姐,我為咗工作咋!」

193近日寸無綫後獲網民封做「三哥」,其Ig追蹤人數已超越人氣王姜濤。193回應《蘋果》時說:「其實冇話追唔追姜濤,大家啲followers都有啲分別,姜濤嘅followers都會follow我囉,希望我嘅followers都會follow埋姜濤,咁就我好,姜濤好;姜濤好,我又好;咁就ERROR好,MIRROR又好。」

娛聞樂陪你走遍全球追星,即Like「娛果」FB 專頁!
BannerBanner