林作練拳備戰變沙包捱打 寸對手鍾培生身體虛要戒色

更新時間 (HKT): 2021.04.23 15:19

林作為備戰下月1日的「Energy Fight 2021」拳賽,及跟鍾培生9月的「林鍾一戰」,今天於灣仔邀請傳媒觀看他個多月以來練拳的成果,及大談賽前心情。現場他進行拳擊、鐵布衫訓練被當沙包打,又與武術港隊代表曾海蘭師姐對打,師姐邊打邊講:「咁衰!蝦女人!咁多口!」見林作全程捱打無力招架,「被打」後更上接不接下氣要坐着做訪問,林作辯稱對方是專業的拳手,自己不喜歡蝦女仔,又指在場記者不夠多,如有更多觀眾,尤其是美女觀眾,他會打得更好,令人不禁失笑。

林作透露個多月來已接受拳擊訓練20多天,幾乎每天也在練拳,心情好的話會加強操練,一天最多上3堂,談到跟鍾培生對打可有信心?他說:「信心十足!」跟師姐對打卻比下去?他死撐說:「呢個係策略,師姐係專業冠軍級,女人都可以好大力,我屋企嗰件都大力過我,喺屋企都經常同裕美小姐練習,唔代表我唔打得。」為何被師姐鬧蝦女人?林作解釋說:「佢教開我,相處都一段時間,係人都需要發洩吓。」林作又謂有說話想向鍾培生說:「如果打親佢,真係sorry!我個多月前先接觸拳擊,我覺得人生最大體會唔係讀書、做大律師、入娛樂圈、做老師,甚至唔係做保險,而係做拳手,我接觸得太遲啦!早啲嚟搵我嘛,可能我係曹星如大佬。」

提到9月之戰,鍾培生有意邀請舊愛麥明詩到場觀戰,林作說:「我冇參與任何組織,唔清楚對方點安排,亦當自己係嘉賓去參與。仲有四個幾月時間,好有信心!恐怕佢都係凶多吉少。」至於鍾培生指賽前要禁慾,問到林作也會戒色嗎?林作說:「佢要戒係佢虛啫,我唔使戒,我滿滿的愛要放出嚟畀大家,我酒都戒咗兩年,唔煙唔酒,都唔係好好色啫,嚟嚟去去嗰個,我冇太多,佢就好似多的。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner