姜糖發功︱姜濤22歲生日電車應援廣告出巡 最誇張收fans新西蘭地皮

更新時間 (HKT): 2021.04.24 12:13

「人氣王」姜濤出道以來一直「吸糖」無數,本月30日便是他的22歲生日,一向為偶像不惜大灑金錢的姜糖,特別為姜濤購下電車車身廣告為他慶祝生日。今日是「姜濤電車」第一日出巡,只見電車車身除有姜濤的照片外,還寫上「HAPPY BIRTHDAY」的生日字句。而香港電車的IG和facebook專頁亦有留言叫大家行街時,不防留意一下這輛「沿『濤』有你」的電車,指這輛「姜B電車」由姜糖精心籌備,而姜B叮叮漫遊時間是由今日開始到下月13日。

退休後想做返肥仔

即將迎來22歲生日的姜濤,日前和花姐一齊接受港台《舊日的足跡》訪問時,提到過往生日只會同兩三個朋友唱K,或者去維多利亞公園切蛋糕,現在卻收到好多fans的禮物和祝福,因此感到好滿足。他說:「我冇要求,我對未來嘅願望就係重過肥仔人生!我想做返個肥仔,將來我會係個肥仔,我追求努力過之後,去一個冇人認識自己嘅地方過下半世,就係一個悠閒嘅人生,我可以同我啲子子孫孫講,你阿爺以前都威過!其實人生仲有好多事情去體驗,但而家做緊嘅,就係要盡力去做好手上每一件事!當然,仲有我應承過花姐同佢養老……。」

計劃30歲成家立室

訪問中,仍是A0的姜濤,亦有透露自己將來的理想型女友。他說:「我唔相信一見鍾情,我覺得日久生情更適合自己,要揾一個溝通得到,明白做藝人處境嘅人,圈內圈外都唔重要。我喜歡長頭髮、直髮嘅女仔,但我好固執,如果真係鍾意咗,點樣我都會同佢走埋一齊。我以前曾經擔心fans唔鍾意我拍拖,但漸漸知道佢哋好理性,佢哋都認為拍拖係正常,甚至話會幫我去揀女友。一切隨緣啦!我而家對身邊異性有啲驚,因為我接近每一個異性都會變成話題,大家都係無辜嘅。我可能30歲結婚啦,不過未有呢個計劃,我只係諗住下年我嘅歌點樣做。」

其實,出名實力雄厚的姜糖,為了偶像經常不惜工本出動銀彈攻勢,不過要數最誇張,莫過於有姜糖送了一塊新西蘭地皮給偶像。姜濤早前在訪問中說:「有日收到fans寄嚟嘅一張證書,上網一search,發現係喺新西蘭買咗塊地畀我,代表我支持環保,嗰塊地有我個名,只要拎住張證書就可以入去。而塊地本身唔係用嚟起樓,不過我最開心嘅,係fans捐錢做善事,幫助有需要嘅人。」

擲6位數賀偶像生日

除了有fans送地,其他姜糖為o氹偶像開心,每逢偶像生日,都會大灑金錢落廣告慶祝,去年他們便豪擲6位數「包起」銅鑼灣怡和街電車站廣告板、高士威道巴士站廣告牌、港鐵站燈箱及大量巴士車身廣告。至於前年歌迷亦買下電車站廣告慶祝姜濤20歲生日。另一方面,年初姜濤奪商台「叱咤我最喜愛的男歌手獎」時,一班姜糖亦在銅鑼灣金百利商場落應援廣告,務求任在附近的姜濤看到,亦方便姜糖在該位置「打卡」留念。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner