姜濤做ERROR狙擊手獸性大發 纏實阿Dee咬193乳頭惹觀眾爆笑

更新時間 (HKT): 2021.04.23 14:22

TVB高層早前寸爆「ViuTV不是TVB競爭對手」,以為有甚麼大搞作,最近推出一系列新節目見TVB「翻炒」昔日整蠱橋段再次搬到公仔箱,又自覺有趣用「抖音式搞笑」當作創意,召回巢的老將拍劇拍節目,更讓觀眾感覺大台明顯青黃不接,不知TVB日後能否起死回生,反而被「輕視」的ViuTV越做越好!

ViuTV全新遊戲節目《考有Feel》贏盡後生仔熱話,不少觀眾表示集集「笑到收唔到聲」,又大讚香港從未有這麼搞笑的電視節目,重點在於節目嘉賓全部是真正年輕人!前日播出一集姜濤狂咬阿Dee成為焦點,不少網民大讚組合「Dee+姜B+193」太正。昨晚播出新一集亦大受歡迎,完全感受到年輕人活力,連主持小儀面對MIRROR同ERROR,小儀也忍不住說:「過往做節目都有混亂,但冇呢度咁癲,呢度癲嘅,完全係黐線!」

193反白眼輾地似喪屍

一開始,193及阿Dee為求穩贏出盡茅招,搞到主持人要用膠紙綁住他們在凳上,輪到MIRROR開始玩,193忽然幫Stanley(邱士縉)的食材加料,在牛奶、酸忌廉加入大量魚肝油,搞到全廠「臭氣」沖天,原本要揀提子乾和麥皮,之不過MIRROR成員AK (江𤒹生)和姜濤都揀錯配料,變成豆豉及蘿蔔糕,結果他們要品嚐「豆豉魚肝油牛奶蘿蔔糕」,姜濤試一啖已經忍不住嘔,更吐在阿Dee手上,而Stanley食一啖即打冷震,MIRROR三子都即場嘔吐,小儀見193出陰招「加料」亦罰他試食,193食完反白眼,之後躺在地上抽搐繼而嘔吐,被笑似變喪屍。

在「味來報道」環節,所有嘉賓因太百厭,主持人下令嘉賓均須綁手玩遊戲,他們蒙眼試食一種食物,姜濤正為演唱會減肥,他在玩遊戲時眼中只有枱上的雞尾包,事後AK笑說:「叫你估,唔係叫你食!」不少fans心痛姜濤近日冇啖好食,有觀眾留言:「姜B係咁食包,最後俾阿Dee嗰句卡路里,嚇到停咗都好好笑。」

姜濤咬193乳頭

到「風狂大決鬥」又變成姜濤跟阿Dee大戰環節,網民紛紛表示連續兩晚笑到癲,「同阿Dee 要打幾多個回合」、「Dee同姜B嘅恩怨究竟有冇得化解」、「究竟ERROR有邊個可以收服姜B」、「之前肥仔、前晚阿Dee、昨晚193,Error 真係冇人收服到姜B喎」。

輪到姜濤要着睡衣時,193也加入戰團,出手阻Stanley幫姜濤着睡褲,後來Stanley發現睡衣不見了,即壓住193搜身,查看他有沒有收埋件衫,193在鏡頭前被除褲,變得衣衫襤褸,姜濤見193反抗,更化身「暗黑魔B」咬193乳頭位置,觀眾稱笑爆肚,「又除褲又咬lin,我到底睇咗咩」、「加人工畀193啦,真係笑死咗」、「呢兩日笑到飆眼淚,姜B真係博到盡,完全唔記得自己係偶像」,另有網民覺得年輕人就Work hard, Play hard!最終MIRROR三子獲勝,阿Dee開玩笑指他們是「壞蛋」,姜B撲向阿Dee玩搏鬥,最終工作人員熄廠燈大叫「收工」,姜B仍壓住阿Dee,再將阿Dee隻手郁幾吓示意對方投降,相當百厭。

此外,近日人氣直逼姜濤的193,早前不少網民建議譚仔三哥跟193合作,連花姐都指大家洽談中,不過昨日三哥在FB專頁出post稱因檔期未能合作:「唔好意思呀,令大家失望,我哋同ViuTV傾咗,因為檔期問題暫時未合作到!不過都真心多謝大家嘅意見。」稱因檔期未能合作。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner