《東張》民主女神離巢瓣數多 
林泳淘入紙下月出嫁

更新時間 (HKT): 2021.04.23 02:00

現年31歲、前無綫「東張民主女神」林泳淘,前年疑因政治立場與無綫提前解約,結束七年賓主關係,離巢後她轉職做KOL外,更曾客串演出ViuTV劇集《打天下》,近日又參與音樂劇《香港老馬利》演出,發展多元化。《蘋果》近日收到消息指林泳淘將與比她大七個月、拍拖14年的初戀男友林卓立結婚,二人月前已搬入大埔新居率先展開同居生活。準新娘林泳淘前晚在Ig限時動態上載與好姊妹利穎怡、尹詩沛和鄧伊婷一起去看戲的相片,不過卻未有透露半句婚訊。

否認奉子成婚

《蘋果》昨日致電林泳淘求證婚訊,她承認下月在港註冊:「疫情關係好多嘢都未定,好多朋友未知,你哋寫先,可能會俾朋友話。」原來一對準新人一直希望到外地舉行婚禮,但因疫情關係令婚期一再拖延,現在決定下月在港簽字註冊,但直至現在仍未訂好場地,林泳淘表示:「都頭痛,因為最多得20人,連家人同律師,可能得幾個朋友可以出席,我哋𠵱家都係hea住搞,連結婚相都未影,因為最近仲要忙排戲。」是否奉子成婚才如此趕急?林泳淘即時否認:「唔係,早幾年都想生小朋友,但近兩年真係唔急,因為會擔心小朋友嘅學業,如果真係有咗咪有囉。」

林泳淘當日與無綫解約,曾表示男友是她背後最大的經濟支柱,她說:「我打畀佢(男友)話我俾人炒咗,佢話:『天呀,咁我今次真係要養你喇!』我話『係呀。』養唔養得起我?平有平養,貴有貴養,我冇所謂。」

100樣好男友

因男友是圈外人,因此林泳淘一直很保護男友,避免其身份曝光,但她大讚男友「100樣好」:「我係女追男,當年考完中五,去聖誕舞會見佢好純,唔係靚仔,但一個人坐喺度唔出聲好可愛,我就撩佢玩,之後發覺佢好好。我喺佢身上學到好多嘢,拍拖咁耐從未見過佢發脾氣,或者講人壞話。」

加入無綫前,林泳淘是前組合Lacee Lacey的成員之一,及後她參選2012年度香港小姐競選,落選後加入無綫成為合約藝人,及後擔任《東張西望》主持及拍攝J2台的《三日兩夜》,憑索爆32D身材和22吋小蠻腰,成功攻陷一班宅男觀眾。前年林泳淘曾在社交網呼籲市民參加3.31反修例遊行而遭雪藏,解凍後被派採訪光復屯門行動,惟當日被市民指罵,但她仍即場解釋自己是《東張》而非《無綫新聞》主持,其後她仍不時在社交網為市民發聲,獲封「東張民主女神」。

娛聞樂陪你走遍全球追星,即Like「娛果」FB 專頁!
BannerBanner