口罩小姐冠軍找數丨浩南斬雞謝票吸客幫襯 考慮入娛圈堅拒偷食

更新時間 (HKT): 2021.04.24 15:07

ViuTV《口罩小姐》雙料冠軍鄭伊琪(浩南)在節目中斬雞獲觀眾關注,早前在社交網承諾如獲4,000個讚好便斬雞謝票,隨即獲不少網民支持。

浩南今日現身樂富街市,穿上雞雞圖案衫、襯菜刀造型電話殼斬雞「找數」:「頭先一個鐘斬咗十隻雞,成績算好好,好多人特登搵我買雞。我平時冇斬雞,但係有斬其他嘢,最叻煮中菜同煲湯,男朋友都好鍾意。」她表示想研究素食,問浩南是否為男友而學?她笑謂:「因為我自己都鍾意食嘢,所以都會了解多啲。」

問到她奪冠後,可會加入ViuTV?浩南表示正在洽談中:「我想做綜藝,演戲我都想,如果唔介意我零經驗。」她透露男友對她非常有信心:「我哋冇約法三章,好有信心,我一定唔會偷食。」問到男友為何不到現場支持,浩南說:「佢瞓緊覺,參選嗰時佢都冇嚟,都係睇返重溫。佢個人唔急燥,唔開心嗰時有畀個膊頭我喊吓就好。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner