莫文蔚演唱會海報變「萬能Key」後被消失 讚二次創作好澎湃:香港人好叻

更新時間 (HKT): 2021.04.24 17:12

莫文蔚(Karen)將於6月在紅館舉行兩場巡迴演唱會,今日Karen到柴灣舉行宣傳活動時宣佈加開一場。Karen今次演唱會宣傳海報,因當中的白色魔法少女造型和甫士淪為網民笑柄,更被惡搞變成萬能Key,而今日會場上則未見到這張海報。

Karen以簡約閃白色裝束現身,大會發放正式演唱會海報,雖然Karen裝束與早前海報一樣,但就換上另一甫士。席間Karen解釋演唱會是配合網球賽終站主題,「稍後會出一系列球員卡,網上瘋傳嘅只係其中一張,係個彩蛋。非常喜出望外二次創作好澎湃。」對於海報被一眾網民惡搞,Karen受訪時說:「好精彩,香港人好叻,好有創意,二次創作都係網上藝術,好正。」對於海報反應惹負評有否嬲?Karen笑說:「冇諗過咁熱烈,受寵若驚,我都有畀老公睇,但呢啲係手法,重點係睇演唱會而唔係海報。」

Karen現時正為演唱會操fit,她坦言可以加場覺得好開心,「最近老公由德國返咗嚟香港,係佢操緊我,迫我做運動。」雖然暫時未知到時候會否安排老公上台,但她就表示在英國時,兩人經常在家中玩四手彈琴。此外,對於早前TVB安排江美儀在綜藝節目上模仿Karen演出,她大讚江美儀神似。

Karen去年憑《呼吸有害》在樂壇大豐收,16年沒在紅館開騷,今次亦將會是Karen最後一次做巡迴類型演唱會,並會有NFT元素,讓歌迷保存回味。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner