ViuTV一哥丨48歲強尼放棄做建築工程師 感激老婆支持賣樓做講波佬

更新時間 (HKT): 2021.04.24 13:06

三輯《全民造星》加劇集《暖男爸爸》,令現年48歲、原名許博文的強尼近年人氣急升被封為ViuTV一哥。強尼最近除了密密拍廣告、又領軍綜藝節目《學神出沒注意》之外,就連電影《二次人生》都找他演出男配角。強尼日前接受商台《1圈圈星光背後》專訪,直認主持三輯《全民造星》令他事業有所突變,「呢半年收入係多咗,的確係因為觀眾留意《全民造星》,令年輕人間接留意到我,畀客知道有選擇。」

強尼30歲前是城大工程系畢業、有樓有老婆的建築工程師,但自細的興趣卻是足球與音樂,及至04年有線電視招募兼職足球評述員,令他躍躍欲試,「我唔似身邊嘅同學咁醉心研究起樓,佢哋好有passion,我預計自己喺呢行嘅發展唔叻,只係單純想嘗試其他發展,咁啱有線請講波,話毋須經驗就寫信應徵。太太嘅反應?佢冇質疑,仲輕鬆幫我寄信話:『你真㗎嘛?』後來唔少親戚聚會都會問我太太及阿爸阿媽,『佢點解有工程師唔做去講波?』佢哋都話:『好吖!試吓吖!』」。

後來,強尼更由兼職變全職,賣樓全身投入娛圈做主持,他直言當時年青甚麼都夠膽嘗試外,也要感謝太太及父母一直支持做他的後盾,「我27歲結婚,太太本身係秘書,喺我第一間任職建築公司度認識。佢從來冇埋怨,亦從來冇着眼於金錢跟物質生活上。當然十幾年嚟,我哋會不斷檢視,我都有唔順利高低起跌有情緒嘅時刻,佢只會話:『放心呀!再唔順利,大不了可以出返嚟做建築由低做起?』」至於令強尼一直堅持做呢一行嘅原因,「我真係鍾意做,亦覺得自己有能力去做,我認為自己做主持叻過起樓,運用我嘅擅長做可以做嘅工作係首選,次選先係建築。」

2016年轉投ViuTV,強尼曾視為最後機會,結果2018年他與Mirror等參賽者憑《全民造星》齊齊彈起,看着姜濤Mirror等揚威《叱咤》,他指感覺很奇妙,「最初第一輯《造星》,我相信觀眾會想笑吓呢班年輕人,而當中有啲的確係幾好笑。到三、四年後,睇住佢哋變成頒獎禮一股新力量,感覺好神奇!」分析姜濤或Mirror的成功,強尼說:「首先真人騷形式好被觀眾接受,過去嘅偶像必定要完美無瑕,但十幾年嚟網絡同傳媒咁透明,偶像就唔能夠再以完美無瑕嘅姿態出現。既然人有咁多瑕疵,觀眾就由最多瑕疵一刻開始睇,由最初佢哋跳舞唔好,頭髮都唔識梳,跳到甩晒喊晒嘅挫敗,再陪伴佢哋成長,見到佢哋越嚟越好,就會替佢哋開心,咁反而會累積一班唔會走嘅忠心粉絲。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner