Celia K.老公將近3千呎豪宅變身兒童樂園 泳池彈床夾公仔機一應俱備

更新時間 (HKT): 2021.04.24 16:15
FB圖片

前𡃁模郭玥彤(Celia K.,前名郭穎兒)婚後生了三女,她樂得相夫教女。因為家中有小朋友,於是老公李冠鋒就索性把入住的三層獨立屋變成囡囡的兒童樂園,Celia近日更拍片放YouTube帶大家登堂入室,任睇他們的「home sweet home」,一家五口連同三個外傭住2,800呎面積的豪宅,疫下全家減少外出,一家之主的阿鋒索性把全屋大改造,全屋共有三個泳池,除地下花園放有吹氣水池,天台有一個大泳池供兩女學游水,另外還有跳彈床、籃球架和夾公仔機,花園牆邊更放了約10架的單車,Celia笑言:「兩個轆,三個轆,甚至四個轆都有齊,啱唔同年紀小朋友嚟玩。」

阿鋒又把其中一間房改成可瀡滑梯的波波池,囡囡可足不出戶就玩到,原本天台會開設一個小酒吧讓Celia約朋友聚會,但最後又間出範圍變成一個泳池供大女和二女學游水。為了𠱁老婆,最近又改裝了一個麻雀房,給Celia開枱用。

Celia的豪宅變兒童樂園,所以他們幾乎每周都會招呼友人帶小朋友來玩,Celia今日接受《蘋果》電話訪問時說:「我全屋都好簡單,用嘅都唔係貴傢俬,租呢間屋係貪佢空間大,有花園,老公就好多設計都係諗咗啲女,全屋八成以上設施都係為佢哋搞,基本上我囡囡係好幸福,屋企單係泳池都三個,夏天好多朋友帶埋小朋友入嚟玩水。我老公係康樂組長,而我係工人嗰一個部門。」對於有朋友最笑家中不夠貴氣,Celia續說:「有朋友同我講,話我搞到間屋咁混亂,要放啲貴嘅傢俬先得㗎,否則冇晒氣派,住咁大都冇用,然後我老公聽完,佢講『我打做一個兒童樂園畀我啲女,已經夠晒氣派』,我哋而家真係變咗一個好家庭嘅家庭。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner