自駕騷聘失業行內人成良心僱主 
鄭中基孖阿Jer高呼:香港歌手不會死

更新時間 (HKT): 2021.04.25 02:00

鄭中基前晚起一連三晚在中環海濱舉行演唱會,前晚和昨晚演出均全場爆滿,因大銀幕對正門口,核心外圍亦有大批歌迷睇免費騷。演唱會多次提及疫情,包括播出受疫情影響的港人片段。鄭中基透露演唱會臨時決定展開,召集562名行內人幫手,但求人人有工開,他之後又與吳林峰及柳應廷(Jer)合唱《樂壇已死》掀起高潮,螢幕最後寫出「香港歌手不會死」,全場歡呼。

鄭中基一連三晚在中環海濱舉行「Drive in Ultra WEE are Ronald Cheng」演唱會,場內增設車輛觀眾位,是香港首個自駕演唱會,前晚和昨晚均全場爆滿,前晚現場觀察有多款名車,多部名車如法拉利、林寶堅尼及保時捷均至少數百萬,其中一輛更是全球限量500部、超過600萬元的麥拿侖675LT Spider,猶如一個名車展。

前晚演唱會約8時15分開始,至第二部份唱完《猛龍特警隊》後鄭中基說:「歡迎大家嚟到我香港第一次演唱會。」之後他搞笑話:「之前喺九龍,下次去新界,可以做巡迴。」在唱《晴天陰天雨天》前,鄭中基說有考慮過落雨情況:「開騷前有茂利問狂風暴雨點算?我一腳踢佢出去,呢啲唔係關心,係黑心!」唱出《爛瞓》時,鄭中基身後播出疫情下受影響的港人片段,當中大多為素人,也有確診第四期肺癌的無綫前藝人陳積榮,場面感動。

望港人養活香港歌手

然後嘉賓RubberBand(RB)出場,與鄭中基合唱《發現號》後,鄭中基說:「RB之前開演唱會叫Ciao,以為佢哋散band,原本今日請佢哋嚟復出,點知搞禍咗。」6號聽完後就笑指即時宣佈解散再復出,鄭中基更以經典角色暴龍哥的廣西話說:「我喺呢度準備幫呢條橡膠筋(指RB)正式復出。」然後RB唱出《未來見》。

演唱會中鄭中基多次向早前離世的唐奕聰(Gary)致敬,在唱出《廢中》前說:「呢首係Gary Tong做,以前我每次演唱會佢都幫手做,佢跟得足,仲會做多,所以佢喺度好安心,咩都幫我搞。」鄭中基之後指現時香港樂壇搵食艱難,他說:「林家謙真人都好瘦,所以一號風球我都勸佢唔好出街。」然後他又將姜濤小時候的肥仔照片來跟近照相比:「你睇佢𠵱家真係冇啖好食。」之後又出現胡鴻鈞以前的照片和近照說:「你睇佢,連腮骨都冇埋,真係好冇陰公。」螢幕緊接出現Serrini及林二汶等照片,鄭中基笑說:「睇佢哋從來都冇餓過,我都係講笑,希望大家一路供養香港嘅歌手,姜濤咁後生已經識諗,香港歌手會成為亞洲第一。」鄭中基又表示歌手與觀眾需要一條心,樂壇才不會死,之後本來不在演出名單上的阿Jer及吳林峰等突然現身,出場與他合唱《樂壇已死》,掀起全晚高潮,螢幕更打出「香港歌手不會死」,全場歡呼。

余思敏大讚老公滿分

鄭中基在唱最後一首歌《My Only One》前,透露今次演唱會是由二人變回四人限聚令即時決定做,籌備只有短短兩個月:「由冇到有,召集咗500幾位行內人幫手,疫情時好多人都返part time,有啲去咗超市打工。知道放寬時,唔好理會唔會之後再收緊,叫晒大家嚟開工。」他又點名多謝ViuTV支持,感謝《Chill Club》團隊:「大家再睇一次個台,呢隊其實係《Chill Club》樂隊嚟。」鄭中基老婆余思敏演唱會後接受訪問,她大讚老公演出滿分:「今晚氣氛好好,天氣又好有啲風。」她中午時帶仔女到場,原因是鄭中基為準備演唱會多日住在酒店,小朋友好耐未見爸爸。

娛聞樂陪你走遍全球追星,即Like「娛果」FB 專頁!
BannerBanner