文火煲劇丨《監控情狂》連女主角都悶死觀眾

更新時間 (HKT): 2021.04.25 19:00

科幻神劇《黑鏡》之所以用單元劇方式講故事,大抵是因為如果要玩驚喜,橋穿了就不能拖,所以倒不如不斷以新故事之新鮮感衝擊觀眾。但《監控情狂》則相反,去到第2集,觀眾已大致了解Hazel的狀況與整個世界觀,如果要繼續為故事帶來高潮,餘下的劇情就必需有轉折(twist)或驚喜,但《監控情狂》卻沒有做到,只是一味地繼續講完它的故事,補充這邊細節、講講那邊人物關係,完全未有為劇情帶來新衝擊。結果到第4集打後,觀眾已幾乎被悶死,辜負了一眾「暗黑科幻」迷的期望與時間。

如果大家都看慣「暗黑科幻」題材作品,應該都覺得《監控情狂》女主角熟口熟面,睇真,果然是Cristin Milioti。Cristin Milioti正正演過《黑鏡》,最近更主演電影《Palm Springs: 戀愛假期無限LOOP》。電影講男主角永遠在同一日中生活,而女主角Cristin Milioti就意外加入了對方,不停重複每一天,直到相愛、相爭,又合力逃出既定命運。《監控情狂》最大問題就在於,不單劇情故事欠新鮮感,連女主角都熟口熟面,令那份重複感以幾何級數倍增。

講科幻+喜劇,《Palm Springs: 戀愛假期無限LOOP》當然優勝得多,即使單純講科幻,《監控情狂》亦難以說服觀眾。除了「神劇」《黑鏡》之科幻+驚慄,近年的《異星災變》揉合科幻+宗教,新劇《不朽者》是科幻+古裝,通通都比《監控情狂》好看,從各個層面看,此劇都難以稱得上合格。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner