爆相爆片丨汪明荃幫襯免排隊惹不滿 認有打過畀Lady M老闆:我覺得冇咩

更新時間 (HKT): 2021.04.25 20:38

深受名人熱捧以千層蛋糕聞名的美國蛋糕店Lady M,經常要排長龍先食得到,但如果你是明星、名人,可能獲得豁免,又或者你是「汪阿姐」有身份有地位,可能作個別論。《蘋果》讀者洪先生透過「爆相爆片」,踢爆「阿姐」汪明荃昨日到位於海港城的Lady M餐廳,遭質疑免排隊便直接獲招待,引起排隊等候的食客不滿,經理無奈表示:「佢係老闆啲friend。」

洪先生透露,昨日下午約5點,當時大約有近20人在排隊等位,「我自己都排咗9個字(45分鐘),阿姐同個女人一齊到,本身我排喺後面,間中會望望舖入面,見到有兩個人離開,跟住放兩個人入去,初時以為佢哋(阿姐與朋友)排到頭位,點知聽到個男士搵經理嘈,哦咗4、5分鐘,大致係話排咗咁耐,點解佢(阿姐)可以就咁入去?最清楚聽到嗰句係經理答:『佢係老闆啲friend』,我自己本身都有幫襯過,知道冇得訂位,每次去都要排隊。」

問到讀者當時其他食客有否鼓譟?洪先生表示聽到有把男人聲說:「嘩!阿姐呀!」至於阿姐當時的反應?洪先生形容阿姐是神態自若,而食肆內的食客則沒有太大反應。阿姐和同行的女性友人大約用餐1小時後離開,而讀者洪先生在阿姐離座前亦成功入座。《蘋果》致電到海港城的Lady M嘗試訂位,接線生回覆指不設訂位服務,只可以Walk In。

今晚阿姐在將軍澳為節目做直播時,提到因為食Lady M不用排隊惹來食客不滿,阿姐解釋昨日跟朋友在海港城購物後記得Lady M也在該處,加上朋友想食餅,故打電話給Lady M老闆:「老闆係我好朋友,我哋都喺出面(Lady M)等咗陣,嗰度有兩條龍,一條排隊入去食嘢、一條攞餅,咁我就排咗喺另外條隊度,等佢有位叫我入去,我覺得冇咩。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner