龍志權宣佈離開《100毛》 網民建議:龍少入ERROR頂PK個位

更新時間 (HKT): 2021.04.25 17:18

龍志權於2016年入職毛記電視,為《六點半左右新聞報道》、《星期三港案》等節目擔任主播及旁述,他經常模仿韓國人以廣東話口音作自我介紹,又用韓文「莎啦嘿喲」加上韓式心心手勢作為招牌動作,「韓流主播」形象讓人熟悉。龍志權日前在Instagram宣佈離開《100毛》,並會用回自己真名「王雍泰」(Nicky),他說:「我嘅新名字:王雍泰,終於要離開,多謝公司同埋咁多位腦細,我唔係好識講嘢,多謝身邊咁多位同事同朋友,我真係麻麻地識講呢啲嘢,總之好多謝。我個人其實真係好無聊,但係一切就係由一條無聊片開始,介紹返佢叫『地鐵超人』,不要放棄無聊,多謝。聽朝瞓醒再見。」

最近毛記電視不時有人事變動,早前有傳盤菜瑩子離巢,原來只是由企劃助理轉為全職藝人;如今龍志權又宣佈離開,瞬間成為討論區的熱話,有網民直指《100毛》上市後,製作質素「越做越廢」,覺得龍志權再留底也沒有甚麼作為,還有網民爆料指他已加盟ViuTV做藝人,還有人提議他取代ERROR成員保錡位置:「龍少入ERROR頂PK個位咪得囉」。《蘋果》今日聯絡龍志權,對於有傳聞他過檔ViuTV,Nicky回覆:「我係早幾日離開咗《100毛》,但手頭上仲有工作要完成埋先。至於我有冇簽ViuTV?我見呢幾日出面講到真嘅一樣,但其實係冇件咁嘅事。」問到離職原因?他說:「我喺《100毛》已經做咗5年,今次離開純粹係因為完約。」對於《100毛》近年的聲勢不及上市前,他說:「我又覺得唔會,因為上市之後,我係多咗機會,舞台演出,各方面嘅演出」。「腦細」林日曦則說:「冇乜特別,唔知(佢)去向,但嚟緊六月佢仲會同我一齊做舞台劇」。

現年28歲的龍志權,原名王雍泰,中學就讀喇沙書院,及後於香港專業教育學院主修工商管理。2016年,龍志權因製作二次創作短片《地鐵超人》彈起。2018年,龍志權參加了ViuTV 選秀騷《全民造星》,雖然進入最後10強,但因是毛記藝人身份,沒有簽約ViuTV。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner