狗仔出更丨麥明詩為戚其義網劇開工 嫌自己唔夠索怕對手黃德斌難投入

更新時間 (HKT): 2021.04.25 18:55

「十優港姐」麥明詩(Louisa)年半前沒有跟無綫續約,改簽一年一show,全身投入在跨國顧問公司做商業顧問,做回律師本行。日前本報率先報道麥明詩接拍亞洲心動娛樂(AMM)出品、戚其義監製的網劇,該劇今午在銅鑼灣一間酒店門口取景拍攝,麥明詩首次與黃德斌、麥子樂合作,一齊鬥戲。

現場所見打扮得靚靚的麥明詩,與西裝骨骨的黃德斌和麥子樂,拍攝由私家車落車後行入酒店的戲份,見他們休息時,兩位型男拿住劇本看,反而麥明詩掛住撳電話。記者上前訪問他們,原來劇組已開工第二日,黃德斌表示︰「今日拍我哋坐車嚟酒店,(係唔係開房?)開會啫!」他還指今次合作感覺好新鮮。麥子樂則表示跟黃德斌已經合作過好多次,而跟麥明詩亦早已認識,相信大家會有默契。

被指倒戈拍亞視劇的麥明詩,透露今次是趁周末、周日放假及放大假的時間來開工,問她還有接其他演藝工作嗎?她說︰「冇啦,我冇咁多大假。」談到事隔一年多再投入拍攝,事前有沒有做準備?她說︰「除咗減肥要去做返facial,都成年啦,真係失修,不修邊幅,我今日開工之前就去咗游水,鍛鍊吓自己體能。」

問麥明詩對住兩位型男可有壓力?她說︰「佢哋keep得咁fit,戲入面都要鍾意我,如果我唔夠索,佢哋會好難做。」在旁的黃德斌幽默地說︰「真係要多謝你,好體諒我哋。」麥明詩笑謂︰「始終開工第二日都有壓力,我好耐冇拍會緊張啲,大家講吓笑會放鬆啲,導演同監製都好體諒同教導有方,自己亦學咗唔少嘢。」

麥明詩又要工作又要拍劇,可有時間拍拖?她說︰「睇你點定義拍拖,戲入面都有同兩位型男。」當問她有幾耐沒有拍劇?她卻聽錯,以為問她幾耐沒有拍拖?她尷尬地傻笑說︰「睇你點定義。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner