Fans核心外圍免費睇騷

更新時間 (HKT): 2021.04.25 02:15
【昨晚場外任睇】■昨晚大批未有購票入場的fans,站在戶外騷門外睇免費騷,相當高興。

鄭中基一連三晚於中環海濱開騷,昨晚和前晚場內氣氛高漲,不過場外亦相當熱鬧,因為外圍不但能清楚聽到歌聲,而由於場內搭建多個大銀幕,所以市民一行入海濱,都可看到場內情況,就算大會於會場四周掛起黑布也未能遮擋,所以場外近百名聚集於海濱摩天輪下免費睇騷的觀眾,比起演唱會最貴的車輛套票索價6,000港元,可謂節省不少,昨晚站在外圍聽歌遠眺銀幕的人流似乎更多。

前晚其中一對聽騷的情侶劉先生及黃小姐,受訪問時指是買不到飛才放棄付費:「其實我之前係有買過,但係買唔到,之後佢有出post話有飛買,但係我冇買喇,今日咪嚟感受吓,企喺度睇都好有氣氛,聽得好清楚,搞到我都好想再買飛入場睇。」另一對朋友張先生和蔡小姐則表示今次是專程到場,張先生說:「我見大螢幕面向正門,睇得好清楚,唔知係咪刻意安排呢?」而前晚會場外有10架警車停泊,多位警員巡視,見有人群聚集便以限聚令為由勸喻散開。

至於購票入場的觀眾,則讚演唱會氣氛佳,何生何太表示:「好多part都好感動,尤其係支持廣東歌嗰part。」雖然場外有觀眾可免費睇,不過他們並不介意:「最緊要大家都開心!」觀眾王小姐則說:「最驚喜係有RubberBand,我一直都好鍾意佢哋。」同行陳小姐則笑說:「唯一美中不足係聞到海水味,有陣聞落係有啲臭!」

娛聞樂陪你走遍全球追星,即Like「娛果」FB 專頁!
BannerBanner