鄭中基衰多口噏中尾場落雨 音響失靈兩度打斷演唱會

更新時間 (HKT): 2021.04.25 21:55
鄭中基自駕演唱會尾場。

鄭中基在中環海濱舉行的戶外演唱「WEE are Ronald Cheng Drive in Ultra 鄭中基自駕演唱會2021」今晚迎來尾場。頭場唱《晴天陰天雨天》前,鄭中基透露揀歌有避開「雨」字,而《晴天陰天雨天》只有三分一,相信不會有問題,不過鄭中基開口中,三場之中只有尾場落雨,更短暫影響到現場音響導致失聲。

尾場開騷前已開始落雨,而且越落越大,大會在觀眾入口派發雨褸,又呼籲盡量使用雨褸,避免開遮影響後排觀眾,而入場過程仍然順利。尾場入場嘉賓有見到狄以達 、蔡一智、LMF成員杰、田啟文、鍾舒漫、方皓玟。

鄭中基在唱《晴天陰天雨天》前再次提到開騷前有人問,若狂風暴雨怎麼辦?他說:「我即刻踢佢走,呢啲唔係關心,係黑心呀仆街!不得不讚自己預知能力,我而家唱呢首歌集合3晚天氣,第一晚晴天,噚晚陰天,今晚雨天。」

唱《爛瞓》後,他跟觀眾說要等一下,自爆意外:「件衫有嘢勾住咗,差啲拮到自己,如果一拮就走音。」當鄭中基唱到《我代你哭》時,突然台上所有音響沒有聲,鄭中基先掩面再向現場耍冧,然後尷尬笑、合十兼做口型叫:「等等!」還不時鞠躬。在場觀眾不斷歡呼加油,擾攘約3分鐘,當鄭中基想清唱時,咪高峰突然恢復正常,待唱完《我代你哭》後,他道歉:「唔好意思,我哋唔想……盡快繼續,但琴仲未有,你等我一陣,多謝大家仲未講粗口。」由於要檢查裝置,演唱會一度打斷,觀眾提議清唱,鄭中基以「死啦啲青春痘」暖場,期間妻女與觀眾台下打氣。

其後唱至《無賴》時,音響再度失靈,先是耳機無聲,鄭中基的咪高峰亦再次失靈,他只能蹲下苦笑。觀眾自發清唱,樂隊以音樂伴奏着,再次擾攘近3分鐘,咪高峰問題解決不過耳機問題依舊,但他謂:「唔緊要,我聽出面。」隨即只有鋼琴伴奏,鄭中基重新唱過,但音樂明顯刻意調慢拍子。

頭兩場唱《時間人物地點》後都會放煙花,今晚煙花如常綻放,唱完歌後,他說:「好耐冇睇煙花,有2年喇,遲來的年初二。」尾場嘉賓是黃貫中,他說出道時都已聽這歌,很希望有機會一起演唱,然後合唱《想你》。Encore時鄭中基感激觀眾,買飛入場甚至停電幾次也沒離場。現場點唱時,他叫現場觀眾點唱給太太余思敏,太太在台下做心心手勢回應,隨即唱《三生有幸》,之後感性謂:「疫情下唔知有乜做到,知大家喜歡睇我搞笑,所以開channel,每星期拍片給大家看,帶歡樂畀大家,之後去咗拍劇。」更感激同事,他一度哭泣:「channel只得我哋3個做,亦多謝太太支持我做想做的事,對唔住我要講咁多令大家淋雨。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner