林芊妤懷孕期間打疫苗 流產後直言後悔打針

更新時間 (HKT): 2021.04.26 18:22

林芊妤(Coffee)今日在新城接受薛家燕和范振鋒的節目訪問,她透露身體有點不適,感到有點累和聲沙,不過家燕姐指她已做了快速測試,Coffee解釋:「因為6月會推出新一批嘅瑜伽衫,所以一星期有3、4日要同幾間廠開會,每次要講1、2個鐘,我開始覺得有啲攰,返到屋企又要湊小朋友,加上早排去朋友屋企玩到凌晨,第二日就失聲喇,個人又攰。」

對於上月23日她接種疫苗後,本月4日突然自爆流產,Coffee坦言有不開心,但過了一、兩天想通了就沒事,反而要休養身體,「但我太忙,冇乜時間等身體復原先出嚟做嘢,嗰幾日過咗,我都已經好頻撲出去做嘢。」有人質疑她流產是因為打了疫苗,她說:「有啲人話我知道有咗都去打針,其實我唔係,嗰個月決定去打疫苗,我先生覺得打完再生小朋友會安全啲,所以我哋決定唔喺嗰段時間行房,點知我打完針就發現有咗BB,但過兩日就流產。」

Coffee指當時都有詢問醫生,流產會否同疫苗有關,她續說:「醫生話流產係冇原因,尤其係呢啲咁早期嘅流產,有4成婦女都有早期流產問題,可能係胚胎問題,又可能支針影響到免疫力,免疫力改變都有呢個問題,所以我冇否認係唔係呢個問題,我只係唔知道當時我係懷孕,但小朋友冇咗嘅時候,我又唔可以完全歸咎於呢件事,為咗公平,我就唔想作出任何評論。」有否後悔打針?Coffee直言有後悔,但老公跟她說打了疫苗,他會較安心,她透露兩星期前已打了第二針。提到囝囝「伯伯」入讀的幼兒園,因有老師確診而要停課14日,Coffee表示上周三有老師確診,由於擔心,全家人即時做快速測試和驗大便,檢測結果是陰性。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner