半億噴泉玩沖涼被批歪風邪氣 
東方昇獲腦細力撐「佢有權裸體」

更新時間 (HKT): 2021.04.26 02:00

位於觀塘海濱的音樂噴泉耗資半億公帑興建,毛記主播東方昇前日帶沐浴露及泡泡玩具槍到現場作沖涼測試,更在《100毛》fb全程直播。網民爆笑激讚,但引來康文署事後不點名批評,連《全民造星III》不入50強的奀星沈瞳伽也指「歪風邪氣」,毛記「腦細」林日曦昨日回覆《蘋果》力撐:「東方昇有權裸體,我控制唔到。」

斥資5,000萬元建造的觀塘音樂噴泉,被巿民批是「小白象」,噴泉上周四正式啟用,不過翌日已出現故障。毛記電視主播東方昇前日到現場一嘗設施,更直播在噴泉半裸沖涼,他分享片段寫上:「終於都開幕喇!用咗咁多錢,沐浴巨星東方昇決定物盡其用,喺呢座佢都有份出錢起嘅噴水小白象沖涼洗刷佢嘅大白象!」

直播片長逾六分鐘,東方昇表示政府用納稅人半億興建,700萬人計即每人付了7.14元,所以他要用盡該設施,隨即脫去上衣及戴上浴帽,除去長褲剩下泳褲走到噴水處,在身上抹上梘液,並用警車造型的水槍噴泡泡,稱水槍為「水炮車」。現場有很多小朋友在玩水,東方昇更邀請小朋友為他擦背,又分派沖涼用品及泡泡槍與民同樂,不過後來被職員勸喻停止沖涼後離開,更一度被圍觀群眾以粗口謾罵。東方昇在片段尾聲評價該噴泉:「呢度最大問題係,啲水柱啲水太弱,政府畀警署啲水炮車咁鬼勁啲水,呢度渣到沖涼都沖唔到。」

讚網民明白事理

片段直播時吸引逾7,000人觀看,至昨晚9時有逾62萬點擊,事件引來熱議,有網民覺得東方昇反映時弊爆笑,不過也有人轉發該片段並寫上:「喺小朋友面前咁樣做,係咪腦穿咗個窿?做傳媒可唔可以有返少少三觀?歪風邪氣。」其後在討論區上,有人認出寫此帖文的是去年曾參與ViuTV《全民造星III》而不入50強的沈瞳伽,被網民嘲諷博上位,又有人指他用的「三觀」是內地用語。沈瞳伽之後再帖文嘲網民:「有兩個鍵盤戰士走去我Ig鬧我,此屬典型護主行為,有啲人養可愛狗,啲人養癲狗。」康文署前日回應傳媒時,也不點名批評東方昇,指有市民在音樂噴泉嬉水區內使用梘液,為免影響其他市民及防止滑倒,呼籲市民使用遊樂場地設施時要着重公德。

對於被指「歪風邪氣」,東方昇昨日回應《蘋果》表示:「冇回應。」至於被康文署不點名批評,東方昇則在Ig寫上:「等陣先,不點名喎,唔好咁誇獎我,未必係我嘅。不過,我睇晒所有平台嘅留言,好開心見到網民都好明白事理,我對香港未來充滿希望。最後一句『公德自在人心yeah』。」

梁栢堅:行為藝術

至於毛記電視的「腦細」林日曦昨回覆說:「東方昇條友成日都搵機會除衫露體,係有啲肉酸嘅,公司啲同事都好不滿佢。但佢咁大個人,老實講,佢係有權裸體,我控制唔到佢。」林日曦還笑說要康文署幫忙勸東方昇:「如果康文署有方法,我都好希望可以幫我勸吓東方昇,唔好成日郁啲就除衫。」他之後又在fb留言:「大家醒醒吧,不要再被轉移視線,觀塘5,000萬噴泉單嘢,重點根本就唔係東方昇有冇用梘液,個議題應該聚焦在:『點解東方昇成日露體?』可能我冇佢咁大隻,我就好反感喇。」

填詞人梁栢堅昨日在fb轉貼東方昇的報道,留言:「呢個行為藝術嚟。」他又hashtag「水泉澳邨山上面邊個國家嘅人喺度洗衫」、「講公德真係傷害人民感情」,還指東方昇「北韓都照玩使怕你」。梁栢堅昨日回覆《蘋果》再暗嘲:「康文署呼籲市民唔好喺泳池大小二便一樣,公德之前,原來有個私德,自私先得。」

娛聞樂陪你走遍全球追星,即Like「娛果」FB 專頁!
BannerBanner