劉威煌音樂會送歌紀念愛犬:希望Jumbo會守護我!

更新時間 (HKT): 2021.04.26 20:20
劉威煌本周五開演唱會。

劉威煌將於周五假旺角麥花臣場館舉行一場音樂會,今晚他和音樂總監葉肇中在觀塘進行綵排演唱《灰狗》,他指今次的門票是親自印製。談到政府放寬了7成半的入座率,劉威煌說:「好好多,其實我喺半年前係預咗100%,咁就唔使蝕錢,因為開一場,要打平手已經唔容易,5成入座率根本要倒貼,不過樂手會有人工,但未必係市場價,而家有7成半,大家都好開心。」會否加開一場?他即說:「我唔搏喇!如果搏多一場,但得3成入座率會好冷清,氣氛會差好遠。」

為了演唱會,劉威煌由150磅減到128磅,但他表示沒打算騷肌。提到他的愛犬Jumbo早前突然離世,劉威煌神情一臉哀傷,坦言心情一定受影響,「本來Jumbo係我音樂會嘉賓,因為大家都好鍾意Jumbo,其實早一個月前,我帶佢做身體檢查、抽血,醫生話佢健康到爆,所以佢咁突然,我接受唔到。」問到Jumbo的死因,劉威煌指Jumbo沒有解剖,他指:「係傭人姐姐發現,當我抱起Jumbo嘅時候,佢已經冇心跳。」劉威煌指Jumbo陪伴他8年,所以在當晚會送歌紀念Jumbo,續說:「我會盡力做好個騷,音樂會之後先平伏心情,因為今次台前幕後有百幾人,我唔想咁自私影響大家,希望Jumbo會守護我。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner