林家棟影帝鬥戲圖突圍 孖古天樂眉來眼去玩hehe情

更新時間 (HKT): 2021.04.27 21:00

林家棟、古天樂、吳鎮宇與梁家輝等主演的《金錢帝國:追虎擒龍》將於周四(29日)上映,今次家棟跟古仔再結片緣,片中家棟邀請古仔加入直接由港督任命的反貪機構「廉政公署」,挑戰貪污警察吳鎮宇(徐樂)與稱霸黑道的梁家輝(跛豪)。家棟日前接受訪問,提到與古仔合作的點滴,由於劇本剛陽味重,二人刻意加插陰柔「hehe情」,家棟笑說:「梁家輝同鎮宇哥哥嗰邊係硬線嚟,我哋點好呢?傾吓傾吓就問導演不如情侶玩法得唔得呀?有場戲同古仔say hi時,陰柔嘅眼神就好似情侶咁,但大家純粹係玩啫,我哋慢慢建立咁樣嘅默契出嚟。」

家棟又大爆主動向導演王晶要求感情線,他說:「我同晶哥講成日都好dry喎,可唔可以畀啲感情線?佢就問我『晶女郎你要唔要呀?』今次有個新嘅晶女郎,係叫常鈺詞,好彩對方係玩得嘅,我同古仔拍攝過程又爆肚,又扯佢頭髮,大家互動多啲,又睇得過癮,個個喺度笑,因為我哋諗住陽剛味濃,想要返啲喜劇位,拍得輕鬆同生活化。」

家棟飾演的是最早期成立ICAC的人,估不到也動作連場,他說:「嗰時成百幾個臨時演員追住我哋嚟打。導演好想呈現走唔甩嘅情節,營造困獸鬥感覺,伍允龍係武術指導,佢當然輕鬆。有一場要我一腳踢落武術演員個頭,跟住佢仲要撞爆玻璃,排咗一晚,拍攝場地類似工地,叫我撞玻璃反而唔怕呀!係對方撞玻璃,最大壓力係怕玻璃鎅傷頸,呢一場係自己最大壓力同辛苦嘅,反而文戲就OK。」

提到電影集合多位影帝級人馬,家棟直言這組合的合作開心之餘,碰到鄭則仕(Kent哥)更勾起不少舊回憶。家棟說:「一見到Kent哥就問『阿嫂點呀?』,因為佢太太Amy(林燕明)係我同期訓練班同班同學;見到鎮宇就諗起劇集《笑傲在明天》,當時喺澳洲拍,我要打佢;古仔同家輝哥哥之前合作過,幾代嘅人都喺度,感覺好得意。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner