Supper Moment上完TVB《大綜藝》做胡楓個唱嘉賓 網民譏:條路係自己揀

更新時間 (HKT): 2021.04.27 15:16

曾經被年輕人追捧的樂隊Supper Moment ,近一、兩年卻十分低調,前日終於見到SM出現,四子亮相TVB《開心大綜藝》節目擔任嘉賓。

SM在節目上與89歲胡楓(修哥)jam歌,合唱8、90年代歌曲《舊歡如夢》、《紅日》及《我的親愛》,還有小朋友伴舞,畫面和諧,惟SM收起Rock and Roll團火,有網民眼見SM淪落至此均表示失望,在其社交網留言狠批,「上得TVB,但IG淨係放Chill Club?上TVB好唔見得光咩?去胡楓演唱會做嘉賓啦」、「見到你哋搞成咁,其實笑唔出,因為曾經都真係好鍾意你哋,不過條路係你哋自己揀」、「exactxly係見住個朋友墮落嘅感覺」、「上TVB做音樂都冇所謂,做小丑就算吧啦」、「搖滾精神,笑X死人」。

修哥將於6月在紅館舉行「修哥共你70載 胡楓約你開心派對2021」,他在節目後宣佈請到SM做表演嘉賓,主辦機構同時在FB專頁表示,「修哥活力澎湃與Supper Moment又唱又跳,四子將會出席6月份做演唱會嘉賓」。有網民留言預祝「good show」,亦有網民揶揄:「係咪搵TBB藝人扮佢哋做組合去演唱會」。

SM於2006年成軍,起初只是獨立樂隊,以Rock and Roll掛帥,2013年憑歌曲《無盡》大受歡迎,成功打入主流市場,當年反國教運動開始,SM推出《世界變了樣》、《無盡》、《機械人》等歌曲,勇於表達對抗社會的不公義,惟近年SM轉戰大陸開騷,又推出國語歌,更曾在亞洲流行音樂節與林鄭月娥合照,不再熱血而引發網民爭議,甚至被歌迷唾棄。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner