裕美掌握林作銀行卡密碼有安全感 愛男友與別不同夠騎呢

更新時間 (HKT): 2021.04.27 18:47

林作和女友裕美拍拖後一直愛得高調,即使林媽媽表明不喜歡裕美,林作依然懶理。近日二人先後參與ViuTV清談節目《有酒今晚吹》,昨晚一集裕美大談入行後曾數度患上抑鬱症,又因應酬飲酒有危機要走後樓梯逃脫,講起與林作拍拖後變化,她公然嘲笑林作:「首先見佢咁樣都得,應該冇咩人唔得。」又指林作是「與別不同的騎呢」。

節目中裕美稱自己向來不講粗口,現受林作影響偶爾會好順口爆粗,細述林作粗口追女攻勢,「佢追我時我心諗條友係咪傻,一句說話有4、5個字係粗口,當時好憎佢,個頭又唔知想點,但佢令人好深刻,之後我有google佢。之前完全冇諗過要同佢一齊,因為我以前男朋友好靚仔。」裕美在破碎家庭長大,結婚是她的夢想,婚姻失敗後她仍想實行再婚夢,希望建立完整家庭,想找到終生伴侶,她說:「而家相處中,林作係唯一最有安全感男朋友,我從來都冇諗過佢會畀到呢份安全感我,佢所有社交平台、互聯網、銀行密碼都自動畀晒我,我唔係要攞佢啲錢,但佢話有咩事時我可以幫手轉數,佢又加咗我去幾十個佢自己工作群組,話等我了解佢平日做啲乜,所以我完全冇懷疑過佢,我覺得我有九成了解佢,佢係與別不同,我指騎呢。」強尼聽到林作的舉動後,即大讚對方這招自動獻身好成功。

多謝林媽媽令她發奮搵錢

在工作方面,裕美早期轉戰商界經營網上珠寶及美容生意,她說:「要多謝林媽媽,佢以為我同林作一齊會貪佢啲乜,又或者我做唔到啲乜,最初都冇人支持我做生意,點知一試得咗。」她又大讚男友積極工作搵錢,「自從林作同我拍拖後,佢媽媽cut晒佢啲信用卡,由得佢自生自滅,反而令佢發奮圖強,本身佢其實唔使點做都得。」被追問到和林媽媽的不和關係,裕美說:「我當然唔想佢見到我會哽眼,我唔會刻意去討好任何人,以前細個試過,只會令自己更加低。不過我有所保留,林作同林媽媽講嘢都好爆,可能想見吓報,我唔知實質係點。」

林作9月將與鍾培生打擂台戰,正在積極操拳,裕美笑指:「平日有啲咩佢都會o氹我,自從練拳後佢會好粗獷話咩呀!唔得呀!見佢咁我都唔敢嘈佢,我只希望佢到時唔好俾人打歪個鼻,知佢到時會戴頭盔應該OK嘅。」林作曾表示為拳賽加大保額,受益人為裕美,她驚訝表示,「係咩?做乜唔同我講呀林作,不枉我冇接受錯你。」不過說到底,裕美講出重點,指林作唔喜歡小朋友,笑稱或要考慮人工受孕。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner