林芊妤湊仔激心猶如落地獄 羨慕倪晨曦有長腿又有靚B仔

更新時間 (HKT): 2021.04.28 18:54

圈中2位靚媽倪晨曦(Elva)和林芊妤(Coffee)到銅鑼灣為美妝店宣傳,分享扮靚及keep fit之道。自稱非靚女的Coffee認為瑜伽帶給她極大改變,她很開心運動能帶動別人及影響小朋友一同做運動。

Coffee與Elva首次同場碰面,隨即互讚大家好身材,Coffee羨慕Elva有長腿:「朋友知道我今日見到Elva都話正喎,有對腳(長腿)。」Coffee激讚倪晨曦半歲囝囝Virgil:「你個仔勁得意好靚仔,我個仔一出世就成個阿伯咁似足老竇,大個先進步,靚仔啲。」

呻2歲兒勁曳似老竇

她們更交流湊仔心得,Coffee又幫Elva「打定底」:「你要好好珍惜而家,我個仔兩歲,唔好成日見,以前未生時啲朋友講到夢境一樣,一定要生,唔生會後悔,但我勸你諗清楚,我而家好似落咗地獄咁,因為BB成日會駁嘴同埋say no,又唔妥協。」倪晨曦懼怕說:「都會擔心,打定個底先,有心理準備。」Coffee即問:「你老公曳唔曳㗎?我老公比較曳,又鍾意整蠱人,個仔似晒佢。」

不過倪晨曦暫未心動再追B,她笑說:「休息吓,收身好辛苦,再生真係頭都痛,唔想加加大碼變唔返加細碼,想變返加細碼先。」Coffee即安慰指,「你嘅骨架一定唔會肥,放心啦!你咁靚女唔生個女好嘥。」

Coffee早前經歷小產之痛,身心已平復的她,仍想再追B女,不過她笑說:「生極都係仔,聽完勁唔開心,屋企3條king好難搞。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner