練矛被誤以為賣藝

更新時間 (HKT): 2021.04.28 02:00
■張建聲在《真.三國無双》中演張飛,拿巨矛拍打鬥戲熱到中暑。

張建聲在電影《真.三國無双》中飾演張飛,要拿着十幾磅的「破軍蛇矛」殺敵,令他在片場中暑︰「第一日喺長沙開工,着咗件特技衫,擺支探熱針落個身,體感去到攝氏50幾度,拍嗰陣太大汗,連頭套都黐唔實飛出嚟,加上脫水又扁桃腺發炎,第三日已經中暑,好辛苦。」他說拍攝前曾拿着巨矛在酒店大堂練習「過背花」招式,豈料後面突然有人拍掌,他說︰「嗰晚練練吓突然聽到掌聲,原來班遊客以為我哋賣藝,大叫『好看』!」

拍攝時,張建聲與「劉備」楊祐寧及「關羽」韓庚譜出兄弟情︰「我啲普通話好一般,佢哋一cut機就會笑住問我『其實你說甚麼?』,後來我哋熟咗,去新西蘭拍攝時仲一齊去road trip、玩笨豬跳,我好珍惜彼此友情。」

娛聞樂陪你走遍全球追星,即Like「娛果」FB 專頁!
BannerBanner