add名人時尚|又係姜濤時間! 邱士縉爆姜B愛樽領衫「偶像唔會出汗」

更新時間 (HKT): 2021.04.28 02:00

日日見姜濤?三、四月開季高峰期,姜濤和Mirror可說橫掃本地時尚鏡頭,由Cartier、 Armani,到美妝護膚品,由贊助靚衫到開live唱歌,不同範疇都沾到手,本地時尚界的滲入度相當高企。

姜濤到和邱士縉(Stanley)早前升格做設計師,為手袋品牌Longchamp設計個人化手袋,各自將自己名字的縮寫做設計,姜濤用上最愛的黑色為主色。原來兩人早前已認定對方極岩key,成為契兄弟關係,兩兄弟齊齊接受訪問,抽紙仔互問互答,測試對對方的時尚日常,兩人都默契十足,對對方相當了解。

邱士縉個性爽朗,平日最快只要廿分鐘就可以出門口;而姜濤就要至少一個鐘頭,因為要沖涼。私下打扮和鏡頭前有甚麼分別?邱士縉說:「我講先啦, 姜濤其實響私底下嘅打扮係冇分別嘅,因為都係黑色,但佢唔知點解鐘意着一條短褲啦,姜濤在旁邊即時大叫:喂呀,唔准講呀!」邱士縉當然懶理照話,咁呢條底褲呢就唔supposed着在面嘅,但佢就着響面囉, 我講得好婉轉㗎喇。」姜濤聽到一臉無奈及尷尬,唯有話:「佢最大嘅分別係鏡頭前佢會着衫囉,鏡頭後就唔係好着衫囉。嗰時響台灣一齊住時,成日見到佢都係得一條褲,好短囉,好包囉。」

兩人齊聲話很久沒買衫,邱士縉取笑姜濤有怪癖,勁鐘意着皮鞋,就算跳舞都照着皮鞋,而且不論夏天、冬天都穿樽領衫,「因為偶像係唔會出汗嘅。」如果要為對方構思一個新形像,會有甚麼想法?姜濤對住Stanley話:「其實我好想你試下之前《 地產仔》入面嗰個髮型,個樣真係好純嘅。」Stanley就提議姜濤剪朴敘俊在《梨泰院class 》的栗子頭。至於出生以來最尷尬的造型? 姜濤:我咪好耐以前,底褲變泳褲嗰個囉,仲要俾人扯開條褲。邱士縉補充,即姜濤仍是肥仔時的沙灘流出照,「我就唔知,可能係長袖樽領衫襯條短褲,Fashion係要創造出來,不過花姐接受唔到太新潮嘅嘢.」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner