莊韻澄產後復工 餵人奶兒子好大食上圍澎湃感負擔

更新時間 (HKT): 2021.04.28 21:05

莊韻澄(Xenia,前名莊端兒)產後首度復工,今天於荃灣為百貨公司做一個以母親節為主題的直播活動,剛坐完月的Xenia笑言首度出關十分開心,更急不及待復工搵奶粉錢。見她還未修身,餵人奶的她,上圍非常澎湃,她自言上圍負擔很重,更擔心之後身材走樣,她說:「真係好擔心,太大負擔,好驚會下垂,所以我而家好勤力按摩,仲會戴埋有鋼絲嘅bra瞓覺,真係唔可以懶,女人要好好保養,唔可以鬆懈。」

她又笑言出生只32天的囝囝呂崇滈「好大食」,只會在肚餓時大哭,出生時重7磅多的他,現時已有10磅重,而Xenia透露沒有請陪月,自己一手一腳湊BB,十分享受又開心,並深深體會到母愛的偉大。而Xenia媽媽從澳洲回港一年多,現時因疫情還未打算回去,不時會幫忙湊孫仔,今年她們三代同堂一齊慶祝母親節。

Xenia指剖腹產子後傷口仍痛,不方便做彎身動作,又大讚老公呂成忠(Joe)體貼,放下工作照顧他們,又會幫手餵奶、換片、替囝囝沖涼。Xenia坦言生B後一度情緒不穩,幸好老公在身邊陪伴,Xenia憶起當時情境不禁眼濕濕說:「男士產假真係好重要,生完之後好容易情緒波動,我會突然間喊,好崩潰,望住塊鏡見到自己成個人變咗,又腫又肥,會諗老公仲愛唔愛我,成個人會失控,好彩有老公喺身邊,佢會一路攬住我,會叫我太辛苦就唔好餵人奶。」雖然辛苦,但Xenia依然期待繼續生,追個女湊個好字。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner