曾志偉率眾搞大型藝員面試 應徵者鬧爆被當佈景板做騷

更新時間 (HKT): 2021.04.28 21:12

今日TVB在將軍澳電視城舉行「藝員及電視製作人員訓練班」面試,大台高層副總經理曾志偉、集團首席創意官王祖藍等都有出席,還大鑼大鼓邀請傳媒到場採訪,曾志偉等人輪住上台發言,面試如同開記招。而曾志偉更豪言,要將藝訓班變成類似ViuTV《全民造星》真人騷,連培訓過程都要擺出來給觀眾睇。

講還講,但今日一班面試者,就有不同的感受。有份參與今日面試的網民,隨即在討論區出post鬧爆大台,網民指︰「真係一肚氣,等又等得耐,每人得15秒有啲搵笨,仲要講講吓嘢俾人打斷。」有網民抱不平謂︰「只(得)15秒,睇一個人適唔適合做藝員?黐線!」有另一位網民就回應道︰「我去面試嘅遭遇唔同你嘅,你有無去錯地方?」

網民諷大龍鳳

而今日面試現場約有過百人,齊集於最大一間錄影廠,網民最嬲是利用他們做佈景板,網民說︰「同一時間叫晒咁多人上嚟,做show咁搞場大龍鳳,好心你篩吓人先叫人上去in啦!」而另一位網民亦感同身受留言︰「咪係,一睇就知亂嚟,從未聽過同一日in咁Q多人,好急咩?疫情都唔避吓,仲搞人群聚集。」有人留言指︰「造勢而已,根本唔需要叫咁多人嚟」、「可能想做個氣勢出嚟,當埋宣傳」。

最慘情是來到老遠的電視城面試,食飯同交通都未有好好安排,網民說︰「搞咗成日,搞到3點幾,又唔畀人去canteen食lunch,免費接駁巴士都冇,做藝員真係賤過地底泥,做普通職員都好過佢!未請都已經咁刻薄,入到去真係可想而知!」有網民質疑指︰「原來見工要提供免費接駁巴士接送應徵者。」不過有另一位網民回應說︰「你知唔知嗰度無接駁車,會好麻煩。個個員工、訪客都係搭接駁車㗎。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner