倪晨曦上圍升Cup睇唔慣 鍾意瘦底渴望平坦身材

更新時間 (HKT): 2021.04.29 17:29
倪晨曦餵人奶上圍升cup。

倪晨曦(Elva)與混血模特兒魏浚笙(Jeffrey)今天於尖沙嘴為時裝品牌新店擔任嘉賓,Elva去年11月為丈夫吳嘉釗誕下兒子Virgil後,工作排得密密麻麻,她笑言囝囝很旺她,加上疫情下已停工多時,Elva希望陸續有工作,問到有考慮母子檔接job?她說:「睇吓乜嘢類型先,小朋友難控制,如果輕鬆嘅都唔抗拒,我唔想迫佢做我自己想做嘅嘢。」而身形明顯豐滿不少的Elva笑謂正在餵人奶,上圍升了一cup,不過自己卻沒有因為升cup而開心,相反,她卻希望快點回復「平坦」身材,Elva說:「其實我唔係太鍾意而家咁,因為之前習慣係瘦嘅,着咗啲衫上身好唔習慣,身形好似好怪咁。」她又坦言老公沒有對自己的身材有評論。

提到下月是Elva首個以母親身份度過的母親節,她說:「我會屈個仔同我食飯慶祝,寫好張卡幫佢打個指模上去當係佢送,當日應該會同屋企人食飯慶祝,我多咗個媽咪,就係奶奶,我哋會一齊慶祝,而我媽咪喺加拿大,到時會叫妹妹送束花畀媽咪,一齊視像慶祝。」而問到老公可有表示?Elva笑說:「佢都有問過我要乜嘢禮物,我仲未諗到。」她更拒絕記者提議多生一個BB當禮物的建議。

近日經常在外工作的Elva謂已做足個人保護防疫,每個月會檢測2次,每次工作回家後進行徹底消毒才湊囝囝,問她會否考慮打疫苗?Elva說:「都有諗過,但係我餵緊人奶,唔適合打住,因為會對身體有變化,始終都未打嘅。」

另外,Jeffrey上周五剛度過23歲生日,她直言跟女友Evelyn拍拖慶祝,問到女友有否送驚喜?Jeffrey說:「冇,一齊都6年,簡簡單單就好。」提到17歲已拍拖,他已視Evelyn為結婚對象,直言也有結婚打算,「都好想,而家諗緊,不過仲讀緊書,今年6月畢業再諗之後點。」Jeffrey又透露將開拍ViuTV的《膠戰2》,笑言跟阿正拍檔很愉快,問他不怕女友呷醋?「完全唔會,我哋好專業,好放心咁盡情去拍。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner