ERROR新節目又炸「生啤」格仔導演:只要放開規矩就睇到啲全新嘢

更新時間 (HKT): 2021.04.30 15:28

正所時勢做英雄,組合ERROR成員之一的193早前寸爆無綫,「得幾百部電視機」、「40幾歲仲話後生仔傾偈嗰個?」「而家仲用五虎呢啲字咁娘咩?」大膽講出現時不少人的心聲,迅即被網民封為「娛樂圈清泉」,人氣急升的193除了工作量激增外,連帶過往演出的節目如《花姐ERROR遊》系列「翻hit」,不少網民睇完又又睇!

不過下周ERROR將有新節目推出,《ERROR自肥企画》在下周一(3日)起,逢周一至周五晚上11時正播放,貫徹其無厘頭作風,首集cosplay日本動漫角色,其中193更以女裝短裙示人,同時亦邀請「Double S」沈殷怡、陳欣妍,以及組合P1X3L客串,參照他們過往做節目的傳統,炸ViuTV吉祥物「生啤」(又名Sound Bear)似乎是不可分割的事,劇組在第一集安排ERROR去了「生啤」雕塑前,在毫無預警下炸「生啤」!

負責製作《ERROR自肥企画》的班底,正是「無制限OT編集団」,早前在ViuTV的官方專頁上,播出了一段訪問短片,「格仔導演」Mike(劉諾衡)、撰稿阿暉(麥可暉)、導演「Agent. L」曹梓冲、助理導演Sunny(方震揚/Rain. P)都有分享睇法。談到團隊宗旨,Mike說:「我喺呢一組做嘢嘅宗旨係開心咁做,無論你係經歷緊一啲好辛苦、好chur、俾人鬧,唔開心,你都要保持一個開朗嘅心態去面對。」其他組員亦表示欣賞阿Mike即使在監製的壓力下,依然堅持自己的睇法。阿暉說:「我哋團隊相信一種價值係求變,做啲觀眾冇睇過嘅嘢。」Mike認同道:「綜藝唔代表比拍電影、劇集輕鬆、或者用得少人,budget係少啲,但並不代表我哋付出嘅嘢少,點樣用無制限嘅創意將我哋想做嘅嘢向觀眾表達,創作有時唔需要太多規矩,只要你放開規矩,就可能會睇到啲全新嘢!」

Mike還說:「我記得讀書嘅教電影嘅老師,佢教我哋何謂創作,講咗好多拍電影嘅規矩,但最後佢講過:『其實最後一個規矩係可以將所有規矩都唔理,因為呢個就係創作』,呢個亦都係我哋團隊嘅一個意念,一個態度同精神。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner