梁芷珊笑紅館個唱海報似貿發局章程 網民召喚C AllStar設計跟隊形

更新時間 (HKT): 2021.04.30 17:05

設計嘅嘢有時好難理解,雖然青菜蘿蔔各有所好,不過近日黎明、莫文蔚及胡楓出嘅紅館騷海報成為焦點,有人笑言這款設計風格要同「祖國Style」睇齊,不少網民討論Poster設計係咪用「PowerPoint整㗎」!

有網民覺得以上3張海報設計,似足社區會堂搞活動嘅宣傳、而梁芷珊睇完都有差唔多嘅感覺:「講堅,我想睇喎!但張poster咁似貿發局嗰啲申請章程嘅?」之不過有網民覺得胡楓張海報設計「恰如其分」能反映睇騷嘅觀眾群。

當中網民狠批對莫文蔚嗰張海報最失望,在唔評論字款下,覺得胡楓嗰張海報算整得「最靚」,有人覺得退地可以做得自然啲,以免散出一陣「舊版Photoshop啲味出晒嚟」,更有網民慨嘆難怪有人成日話香港設計垃圾:「搞到人工好低,喂呀,真係畀多少少heart得唔得?」

有網民認為海報「出事」不一定跟設計師有關,可能係客人心目中嘅要求,「真係唔好怪晒設計師,好多時候個客鍾意同你唱反調,仲會『教』你點做,越老土嘅個客越鍾意」。網民紛紛討論會否因疫情下有影響,有感係咪冇錢同冇租studio,只好拎啲相key落海報算數,又或者本來怕疫情隨時反彈,見到deadline就求其交行貨,更覺得港人太耐冇睇騷,就算海報整成點,覺得啲人都唔會理,照樣炒飛。

健吾今日亦開post討論呢三張海報「原來2021的演唱會海報文化是這樣的。我開始期待C AllStar那一張海報可唔可以突破一眾前輩」,有網民建議今年7月在紅館開騷的C AllStar,應該有啲突破,整海報時可考慮用「細明體」字試吓!

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner