李明蔚托馬浚偉代筆感謝大家關心:我的身體狀況已經變得比較差

更新時間 (HKT): 2021.04.30 16:16

31歲的「抗癌歌手」李明蔚(Sarena)在2012年不幸患上罕見病鼻咽腺樣囊性癌,抗癌9年來病情反反覆覆,早前在facebook表示又再度入院,她留言表示因呼吸困難轉送療養院,為減輕痛楚,醫生終於開了嗎啡水給她。事隔多日,Sarena今日再更新facebook,但代筆的人是馬浚偉。

馬浚偉先貼了兩人合唱《交換愛情》的MV並表示這段說話是Sarena叫他代寫:「大家好,我係Sarena,多謝大家對我的關心,由於我的身體狀況已經變得比較差,實在沒有辦法再一一回覆大家的問候,多謝你們對我的關心和支持!未來嘅路會係點,我自己都唔清楚,不過我依然會努力,希望!我喺呢度再次多謝馬仔哥哥送呢隻MV畀我,喺呢度我將呢一首《交換愛情》MV送畀大家!Sarena李明蔚」

《蘋果》今日向馬仔了解Sarena目前的情況,他說:「我今日去咗探佢,佢希望我代佢同大家講聲,所以頭先喺佢個Facebook度叫我幫佢留言,同大家講佢身體情況的確係轉差,不過仍然繼續努力啦!希望大家為佢禱告啦!」除了馬仔外,亦有不少網民留言為她打氣:「明蔚,希望你無痛無苦的過每一天。加油!」、「辛苦了~明蔚姐姐請一定要加油,不要放棄!」、「心想雨過後總會有天晴……明蔚加油 ! 好好休息 ! 」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner