C AllStar四子再合體宣佈今年7月紅館開騷︰集合吧!

更新時間 (HKT): 2021.04.30 17:23

C AllStar四子曾一度單飛發展,事隔4年他們於今年初重組,早前推出合體後新歌《集合吧!地球保衛隊》和《留下來的人》,原來他們不單止再次集合出歌,昨晚他們在陳志雲的網台節目《Stephen傾》中宣佈今年會開騷,之後在社交網正式宣佈︰「我哋開show喇,7月,紅館見,集合吧!」

過去一年肺炎疫情影響下,劉德華、楊千樺的演唱會都開不成,不過近日疫情稍為緩和,不時歌手陸續宣佈開騷,好像昨日就有黎明,而C AllStar相隔4年將會再在紅館開騷。其實去年是C AllStar出道十周年,可是疫情關係,未能舉行紀念音樂會,延至今年再實現。

在陳志雲的節目訪問中,志雲代fans問他們可否不要再分開?他們只表示暫時不會,之後On仔(陳健安)說︰「呢刻應承大家,今年啦!」當問到幾時開騷?何建曦則說︰「good idea,咁不如搞啦,近近哋唔好要大家等太耐,講得嗎?真係講得,咁就講啦,就係7月(邊一年?)梗係今年啦,過咗之後我哋又未必一齊。」之後On仔尊重宣佈︰「我哋C AllStar有個宣佈,嚟緊嘅2021年7月份,就係開我哋第三次紅館演唱會。」

其後陳志雲跟他們玩遊戲,寫出誰時最難相處?怎料SoulJase 和釗峰同樣有2票,SoulJase自言好爆冷還說︰「我唔覺得自己難相處。」而陳志雲指他問題就是不覺自己難相處就是難相處的原因。而On仔評釗峰,有很多心事,自他信佛後已有改善。怎料此時陳志雲指釗峰有新女友後,容易溝通,釗峰則說︰「我唔會再講感情事,講咗之後就分手,唔老黎我唔會再講。」陳志雲反駁他︰「係你之前喺我呢度講完之後,你放閃咗張相先分手。」之後陳志雲打完場表示,可能對方不適合他。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner