李雨陽母親節獲老婆送名錶做禮物 陳倩揚出書教減肥

更新時間 (HKT): 2021.04.30 21:54
李雨陽與陳倩揚出席抗疫音樂電影《冬日浪漫》慈善首映禮。

陳倩揚、李雨陽、方健儀及李麗珊等,今晚去到銅鑼灣,出席抗疫音樂電影《冬日浪漫》慈善首映禮。李雨陽現正為香港開電視醫療節目《fit開有條路》擔任主持,他透露之前投資兩間餐廳的他,因細女出世後家庭支出大,再加上餐廳每月蝕錢,故無奈退股,不過就未有因損手而嚇怕:「退股後再冇投資生意,因為家庭環境變化,partner都好包容體諒,畀我先退股。」

現時有一仔一女的李雨陽透露,母親節收到太太送一隻勞力士給他做母親節禮物,他笑說:「因為我而家身兼母職,湊屋企兩個小朋友,因為太太兩胎都係順產,我覺得生活上所有嘢都應該男士去做番,老婆就買隻錶畀我慶祝母親節,其實我哋會留返隻錶畀個仔,作為升學學費或者係18歲時候留念。」

同場的陳倩揚指最近忙於準備7月推出的新書,新書講解健康飲食減肥方法,她自豪說:「可以飽住肚成功減磅,我由2019年9月開始減,到而家減咗20、30磅,由以前63公斤而家減到49公斤,當然要配合做運動,七分飲食三分運動,自己之前喺facebook嘅群組而家有12萬人,好多人都取用我建議方法,成功減磅唔單止體重下降,最重要係令自己健康。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner