第四屆最港電影大獎丨顧定軒呼籲大家保護港片 田啟文無悔因付出犧牲家人

更新時間 (HKT): 2021.04.30 21:00

由《蘋果動新聞》舉辦的「第四屆最港電影大獎」頒獎典禮,經已圓滿結束,今年共頒發六個「堅毅精神獎」,分別由田啟文、顧定軒、趙善恆、黃子華、Sam哥以及關信輝奪得。

「第四屆最港電影大獎」頒獎典禮足本版可於《蘋果動新聞》YouTube Channel《果燃台》收睇。

去年疫情肆虐,電影業首當其衝,關信輝執導的《熱血合唱團》上映五天便被迫停映,他縱使失落,但沒有自暴自棄,反而更積極籌備下一部戲,堅毅精神可嘉。獲獎後的他說:「我會好珍惜呢個獎,因為你哋嘅鼓勵,畀到我好大嘅力量同勇氣,繼續向前,繼續去奮鬥,繼續追求我嘅夢想。」

趙善恆執導的《一秒拳王》,同樣被疫情打亂了部署,幸好早前上映時創下了逆市奇蹟,堅持得到回報。恆仔得獎後說:「我覺得拍電影固然需要有一個意志力同埋堅持喺裏面,但堅毅精神,其實需要好多人都一齊有,咁個力量會更加大。我希望2021年大家可以繼續加油,繼續堅毅落去,因為我覺得香港𠵱家都好需要呢種力量。」

人稱Sam哥的梁成致,其拍攝的《極闘》系列雖然常被取笑,但他仍堅持拍下去,且一部比一部進步。自小飲香港電影奶水大,Sam哥認為香港電影有獨突味道,而這種味道沒有其他電影能取代:「呢個係加埋我好多嘅記憶,好多成長時嘅經歷。」他認為拍電影有沒有人支持不重要,最重要是自己能否堅持。他說:「世上面冇完美嘅劇本,只會有完美嘅action。最緊要係action,香港電影,action。」

將夢想轉化為行動,並非人人做到。追夢追了42年的田啟文,卻是真正的實踐者。13歲時看過《五毒天羅》,被女主角犧牲一幕感動,令他在之後也犧牲了42年光陰,為香港電影無私付出。田生在領獎時說:「確實我屋企人,我太太係犧牲咗好多一齊嘅相處時光,呢個係我自己對屋企人嘅虧欠。我覺得人永遠都有遺憾,希望呢個獎可以稍稍慰問番佢哋,田啟文唔係走咗出嚟玩,佢係為咗個行業去付出。」田啟文記得當初入行時,父母不相信他能在行內站穩陣腳,令他更意識到相信年輕人的重要:「做人一定要有夢想,而呢個夢想正如我之前講,唔係貪慕虛榮,我係想做到一個記得自己,到有朝一日離開嘅時候,我冇後悔過為自己嘅人生事業去付出。」

這輩年輕人當中,顧定軒是令人眼前一亮的演員,不少港片都會見到他的踨影。他接過「堅毅精神獎」時淚如雨下:「好想多謝一直支持我嘅所有人,特別係呢幾年仍然肯畀機會我嘅人,等我可以繼續參與香港電影。」Zeno亦提到近日經常睇港產片,每次都甚有感觸,好想自己有份參與:「因為港產片係我最熟悉嘅語言、我最熟悉嘅故事同埋文化。佢畀到我嘅親切感,係其他地方電影畀唔到我。最後,好想大家陪我一齊,繼續保護屬於我哋嘅電影。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner