林作超磅上處男拳賽擂台被扣分 鍾培生自信9月「林鍾一戰」必勝無疑

更新時間 (HKT): 2021.05.01 18:56

林作早前與鍾培生宣佈將於9月舉行「百萬擂台戰」,沒有拳賽經驗的林作今天處男下海,於九龍灣參加「Energy Fight 2021第一回」拳賽。林作在賽前45分鐘與女友裕美一同到場,而鍾培生今日亦特地踩場睇林作,他更以「女友」來形容對方。林作今戰最終輸掉,鍾培生揚言感失望,更指9月「林鍾一戰」必勝無疑。

裁判批欠體育精神

林作在賽前信心十足,更揚言:「冇人比我對自己更有信心。」不過他未出賽已因超磅2KG而被扣2分,以負分上陣。比賽於3時05分開始,裁判向林作發出紅牌,指他未達磅被罰,旁述說:「不君子行為,欠缺體育精神。」

林作賽時似模似樣,不過依然被對手、19歲的黃明雋追擊,曾被打到頭套脫落,又跣腳跌低。林作比賽時不時作出打心口、舉高雙手等挑釁動作,在場觀眾也看不過眼大叫:「你俾人打緊呀林作!」、「打死佢!」而裕美則緊張得跪在地上觀賽,不時為男友加油打氣。林作與黃明雋打了3回合後打成平手,最後在extra round以3比0比數落敗。

鍾培生暗寸林作挑機但打輸

鍾培生看完林作賽事後,表明不會跟林作合照,他說:「今日嚟係想睇佢贏,不過結果都唔係咁差。上得擂台都值得尊重,睇得出佢係有練過,希望佢9月唔好俾我打死。」鍾培生對林作在短時間學到這麼多,算是不錯,亦希望對方繼續進步。

鍾培生直言來踩場是為了解對手,他讚林作有勇氣,不過技巧要再進步,提議他應該找向師傅當軍師。問到林作經常挑釁對手,鍾培生說:「呢啲動作冇問題嘅,但前題係要贏,我都成日做,每次都贏。」

林作辯稱留力

林作賽後繼續囂張本色,指對手年紀輕,自己放鬆腳步,並只出了一成力。林作又笑指鍾培生稱他「女友」,是因為鍾培生對他一見鍾情,懷疑鍾培生是雙性戀,但對方來支持也令他感動。至於台上太輕挑被觀眾喝倒采叫:「打死佢!」,林作說:「其實鍾培生喺11點搵人嚟派錢,貼咗幾百蚊喺觀眾啲凳下面,寫咗張字條,但係頭先走時大家都攬住我,收錢做人係咁。」

提到宣布extra round加兩分鐘賽事,鍾培生表現興奮,林作說:「佢一直為我興奮,所以佢先出咁貴,我喺佢心目中值100萬,連我阿媽心目中都冇值咁多。」

對於今次賽事,林作母親會擔心嗎?林作謂母親只會匯報每日行程及只顧着大陸的生意,只會風花雪月,又指30年來母親也從來沒有關心過自己。

裕美稱被林作壓到梳化裂開

裕美賽前她對男友信心爆棚,她指黃明雋身形比林作還細粒,又謂驚林作會打傷對方。裕美直言男友近月的努力打動了她,她稱平常會在家跟林作練習,而林作不夠她打,她說:「女人打起上嚟幾狼㗎!我又會出爪,專摑佢塊面嘅,仲試過喺梳化壓喺我身上面,搞到張梳化裂開(分開)咗一半。」

裕美又謂期待男友9月跟鍾培生一戰,問她怕男友被打面嗎?裕美說:「阿作而家身形吸引,樣就一般,平時都好少望佢個樣,不過我都好期待9月一戰,鍾培生更加唔靚仔啦!」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner