麥玲玲演霸氣江湖大家姐 豪晒千萬私伙行頭

更新時間 (HKT): 2021.05.01 17:02

玄學家麥玲玲除了幫人睇風水算命外,表演慾極強的她,亦間中客串電影和劇集,而在過往的演出中,麥玲玲大部份角色都是扮演專業人士,但近日在TVB新劇中,她卻有180度轉變,穿上黑色套裝的她,要收起招牌笑容扮演江湖大家姐,在剛出街的預告中,麥玲玲更拍枱及拋出一句經典對白「我一定要班仆街冇運行」,霸氣十足。

除了角色有新突破,麥玲玲今次亦出動過千萬私伙首飾、Hermès手袋拍劇,當中有多個鱷魚皮Hermès手袋,另外亦有Hermès鑽石手鈪、卡地亞鑽錶和鑽戒,最誇張的一件私伙「道具」,竟然是一隻有十卡D色過千萬鑽戒,驚人行頭絕對嚇親人。對於帶千萬私伙行頭拍劇,麥玲玲回應說:「因為呢個角色戲份比較重,係一個富豪級嘅江湖大家姐,咁行頭當然要有返咁上下先襯到個身份,哈哈。其實當初拍劇都擔心走嗰陣有冇執漏一、兩件,所以事先都要mark低帶過啲咩去場地。」問到有否買保險和請保鑣跟場睇實?麥玲玲笑說:「咁又冇,只係每次臨走都要數返齊啱數先走得。」

搵蝦頭教路

除了有十足行頭,麥玲玲亦有在角色演繹方面下苦功。她說:「以往我做親嘅角色,唔係校長就係心理醫生,今次做大家姐呢個角色對自己嚟講係一個挑戰,要做到有霸氣,表情、語氣同舉手投足都要train吓。平時我鍾意笑,但呢套劇就唔可以有咁多笑容,所以之前自己都揣摩咗好耐,我仲搵咗蝦頭(楊詩敏)幫手教我做戲,佢好好,逐句逐句對白錄畀我教我,所以真係好多謝佢。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner