add名人時尚|傅明憲海底攝影升level 鯨鯊罕有開口照片再得獎

更新時間 (HKT): 2021.05.01 17:26

傅明憲近年迷上潛水攝影,足跡遍佈各地,她在哥斯達黎加所拍攝的一幅巨型鎚頭鯊照片,去年於專業海洋照片比賽《地球的海洋照片大賽》得到優秀奬。今年比賽結果公佈,她再次成功得獎,更打孖上連得兩獎。

傅明憲以一幅鯨鯊的正面開口相片,得到公開組別的入圍獎。「好開心,因為上次係入門組別,今次係公開組,好多大師、高手參加,」她指照片拍於去年一月疫情大爆發之前,「嗰次響馬爾代夫,嗰日其實都瞓咗覺,突然噹噹噹噹聲響,話有鯨鯊響船尾,嘩!即刻個人跳起身,拎起相機、拎gear,潛水衣都無着,就咁著件泳衣個人都未醒就跳落水。」她指過去影過兩次鯨鯊,都是背面,今次向到正面,更清晰見到鯨鯊開口後的上齶,「好好彩囉,因為呢啲情況,無得構圖只能夠執生。」傅明憲更為相片起名為《Smile Forever》。

另一張她在南極拍的企鵝照,似足kiss kiss樣子十分溫暖可愛,就得到另一個組別獎項。連續兩年得獎,但就因疫情無法參加頒獎禮及展覽,「係呀,佢地有寄返張獎狀畀我,冇法子啦。」她謂仍未儲夠相開海底攝影展,但之前有幾幅作品就捐了給好友趙式芝作慈善拍賣,為Faith in Love基金籌款。

傅明憲除了潛水,近期亦愛上攀石,她由最初去草原拍攝野生動物,到2017年因愛上潛水而正式學海底攝影,地平線上、線下的生物都影過,下一步可會是影天上的飛鳥?「影雀仔又係另一門學問,雀仔飛得好快,快門呀各樣都要重新學習,一步步嚟啦。其實,響大自然影動物,邊一樣動物都好,我諗最緊要係耐性同運氣,技術可以學,但真係要睇好唔好彩。」

神秘的海洋生物,經常為她帶來驚喜。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner