田蕊妮舞台劇首演收阿澤巨型果籃 取笑老公:有意圖重新追我

更新時間 (HKT): 2021.05.01 00:03

田蕊妮、潘燦良與溫玉茹主演的舞台劇《聖荷西謀殺案》昨晚在演藝學院首演,全場爆滿!潘燦良日前作感冒,要急急求醫食藥,幸沒有影響演出,田蕊妮佩服說:「佢連講嘢都好似冇乜氣,我就諗如果佢冧咗咁我點算?但佢一上到台就好似腎上腺素飆升咁,咩事都冇。」潘燦良則沒有擔心做不成,更多謝太太蘇玉華照顧,提到劇中另一半愛支配對方的劇情,潘燦良坦言:「我哋喺互相支持大家,唔係支配大家,之前病咗佢都照顧我,車我睇醫生,好多謝佢一路照顧,支持喺好緊要。」

今次是田蕊妮真正擔正的舞台劇,劇中要扮大肚,道具令她熱到濕透,謝幕後馬上「卸貨」,她又謂謝幕時聽到台下的掌聲,令她非常感動,她說:「觀眾有咁好反應真係意料之外,今次呢個舞台劇真係好期待,排咗好耐,亦練得好熟,其中有一句係甩咗少少,但我OK,接受到。」相反,身旁的潘燦良則自爆一句甩嘴,未能接受:「我唔係好接受,其實嗰句編劇寫嘅時候都知好難講,綵排時都已經試過講錯,今晚第一晚係會有唔同嘅事發生,有信心聽日會好返。」

田蕊妮老公杜汶澤身在台灣工作未能現身,特別送上大型花牌與萬歲生果籃,台前幕後也受惠,連拍檔潘燦良也笑言阿澤未能現身,也感到遺憾,他說:「真係好遺憾,我太太就有嚟,咁佢先生冇嚟,係咪遺憾先?不過佢送嚟嘅嘢我哋都受惠。」田蕊妮則笑言阿澤也感到遺憾:「佢要做嘢都冇辦法,我已經紀錄咗畀返佢睇,佢真係好想嚟睇,等重演啦!不過佢好似有意圖重新追我咁,又送生果又送花牌,好貼心條友。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner