Angelababy機場喪跑趕上機 4歲小海綿推篋狂奔追阿媽

更新時間 (HKT): 2021.05.01 19:05
Angelababy甫到機場就已喪跑,搞到4歲的小海綿要推住個篋狂奔。(網上圖片)

楊穎(Angelababy)與黃曉明早前「合體」帶寶貝仔小海綿睇醫生,而當時Baby亦全程一副慈母格抱實病倒嘅小海綿,之後黃曉明又被影到帶個仔去行商場玩,非常溫馨。有父母嘅愛護,「打敗仗」嘅小海綿事隔一個禮拜左右就已經好返晒,而病癒後嘅佢仲跑得好快。

近日喺網上流傳一段Baby帶小海綿搭飛機嘅短片,地點喺上海機場,未知係咪因為趕搭飛機關係,只見Baby甫到機場就已連行帶跑地急步行去離境大堂,至於被阿媽拋離幾十個身位嘅小海綿,就一直推住自己嘅紅色行李篋,與一名似係保姆嘅女士一齊慢慢行。不過當Baby途中停下來回頭望小海綿時,小海綿即醒目地推住自己個篋仔向媽媽嘅方向喪跑,雖然有幾次小海綿幾乎可以追到阿媽,但每次當兩人相距約兩個身位時,Baby又突然「加速」,搞到小海綿又要跟喺阿媽身後狂奔,直到兩人「走」到排隊離境嘅位置,小海綿才能追上Baby。小海綿對終於可以追到媽咪似乎好開心,不停狂跳,而Baby見囝囝咁開心亦忍不住大笑。

雖然小海綿今年只得4歲,但人仔細細就已經跑得咁快,唔知同佢阿媽做過同「跑」嘅節目有關,睇嚟佢大個可以向住「跑步」呢方面發展。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner