陳蕾沉迷《孖車》玩到變新歌 MV用航拍機競速同車隊鬥屈機

更新時間 (HKT): 2021.05.01 19:38

陳蕾鍾意打機,時不時在IG開live玩《瑪利歐賽車8》,又自稱仙女,與岑寧兒、MV導演張傑邦、音樂人MIKE ORANGE等組成「錦田車隊」上網鍊車。最近一班人「玩而優則唱」,將遊戲內容變成新歌《屈機》,無論係歌詞中的「龜殼」、「蘑菇」、「200cc」等,都是遊戲術語,陳蕾在IG宣傳時,亦都笑稱佩服自己:「玩Mario Kart玩到寫咗首歌我都真係佩服自己,更加佩服『錦田車隊』嘅成員竟然願意陪我一齊癲。多謝你哋同我一齊玩呢首歌!」岑寧兒對無聊事認真做好認同,睇完歌詞之後自薦編和音。

新歌MV又玩賽車概念,用航拍機取代賽車,雖然沒有道具可以用,但實境中仍有障礙物,MV加上小地圖後,玩味十足。航拍機競速其實在木村拓哉演出的遊戲《審判之眼:死神的遺言》都有出現過,最近《審判之眼》系列會宣傳新作,錦田車隊會否有機會變成遊戲角色,挑戰木村的駕駛技術呢?

另外,李靖筠最近都有新歌《像極了愛情》派台,將會以一連三首歌講述一段女生出軌故事,故事男主角分別是Locker林家熙及朱栢康。《像極了愛情》MV交代李靖筠與朱栢康的感情線,到結尾「周圍都係」的Locker才登場,成為下集伏線。李靖筠今次獻出入行首次的親熱戲,雖然尺度不算大,但李靖筠都有為刷牙準備,今次連拍三集MV,她說:「一口氣拍三個MV,喺重複嘅場境下跳拍係最困難嘅地方,因為情緒起伏十分之大,好難控制。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner