Band友排隊開騷 KOLOR、ToNick攻九展 
C AllStar 7月合體 殺入紅館

更新時間 (HKT): 2021.05.01 02:00
■2017年休團的C AllStar前晚宣佈今年7月在紅館舉行演唱會。資料圖片

自去年初肺炎爆發後,粗略估計過百場演唱會相繼取消,演藝事業可謂進入冰河時期。隨着疫情緩和,演藝事業逐漸復蘇,繼黎明宣佈在暑假開騷後,在2017年休團的C AllStar,前晚在陳志雲的網台節目《Stephen.傾》中宣佈今年開騷,之後更正式在社交網宣佈:「我哋開show喇,7月,紅館見,集合吧!」

志雲節目公佈

節目中,志雲代fans問C AllStar可否不要再分開?四子只表示暫時不會,之後陳健安(On仔)說︰「呢刻應承大家,今年啦!」當問到幾時開騷?何建曦說︰「Good idea,咁不如搞啦,近近哋唔好要大家等太耐,講得嗎?真係講得,咁就講啦,就係7月。」之後On仔鄭重宣佈︰「我哋C AllStar嚟緊嘅2021年7月份,開我哋第三次紅館演唱會。」今次是他們相隔四年在紅館開騷,本來這個騷計劃在去年出道10周年舉行,但礙於疫情關係,延至今年才實現。

加場門票秒殺

另一方面,成軍15年的樂隊Kolor將於本月29日在九展舉行演唱會,因門票反應熱烈瞬即被掃光,主辦單位日前宣佈加開30日一場,但結果同樣秒殺,Kolor在fb留言表示與場地、製作團體傾再度加場的可能性,有消息的話會盡快公佈。另外,樂隊ToNick亦宣佈7月會在九展舉行音樂會,主音趙善恆承認此事:「我哋計劃7月初開騷,遲啲會公佈確實日期,多謝支持。」昨日亦在Ig公佈消息。

有騷睇當然覺得開心,不過演唱會海報同樣會帶來歡喜,近日有網民熱烈討論黎明、莫文蔚及胡楓的演唱會海報,有人笑言設計風格跟「祖國Style」看齊,亦有人覺得似社區會堂的宣傳單張,健吾亦開post討論這三張海報,表示:「我開始期待C AllStar那一張海報可唔可以突破一眾前輩!」

娛聞樂陪你走遍全球追星,即Like「娛果」FB 專頁!
BannerBanner