Ben Sir唔明《造星III》點解紅咗姜濤 折骨Ben:畀啲時間我

更新時間 (HKT): 2021.05.02 15:27
(IG圖片/資料圖片)

ViuTV《全民造星》出身的姜濤,其氣勢為沉寂多時香港演藝圈掀起一個高潮,從他前日22歲生日,大批fans為他花近百萬鋪天蓋地的祝賀廣告便略知一二。一向喜歡探討時事話題的歐陽偉豪(Ben Sir),雖然為大台打工較多,但原來也有留意隔籬台的藝人,他昨日在個人專頁出題寫上「我唔明點解今年《造星》折骨Ben(冠軍趙祥誠)贏咗,但紅咗姜B?利申:兩個我都鍾意」,極具探討趣味熱話,吸引近3,000人給like,超過220個留言分享睇法觀點。

自信成為亞洲第一

眾多留言中,最具代表性留言莫過於連討論話題中的當事人、折骨Ben出面分享感受,折骨Ben貫徹一向謙厚態度寫上:「各位,我會努力的,我的確有好多地方唔夠好,我會練吓唱歌同做戲,總之咩都試吓。本來我唔係為咗紅先開始跳舞,有人欣賞就夠了,始終我明白折骨舞唔係個個識欣賞,拎到冠軍最驚喜係我自己。」

分享了內心感受,折骨Ben更借用姜濤早前在Chill Club頒獎禮上的說話再寫:「而家我知道我有責任,要有啲更高質素嘅表演同成就,先可以去代表香港嘅年輕人,姜濤講過,我哋會成為亞洲第一,我都相信我會係其中一個。我會繼續努力落去,畀啲時間我!BTW,我都鍾意Ben sir。」

折骨Ben留言獲不少網民留言讚揚及加以鼓勵,Ben Sir也借自身經歷向折骨Ben給予支持,寫上:「加油阿仔,瓣瓣都要做多啲。如果我冇做多啲,我哋都唔會喺呢度遇上。」折骨Ben的留言相信令Ben Sir喜出望外,他忍不住再寫上:「Ben Sir屙夜尿遇上折骨Ben,interesting。」見到大家紛紛留下勉勵說話,折骨Ben回覆稱:「知道﹗我會證明畀大家睇,多謝你支持我。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner