非常人●非常事|紅星O記搞遊艇派對 嫩模嫌老拒絕受媾(白露眉)

更新時間 (HKT): 2021.05.02 00:00

90年代有位好風流的靚仔紅星O記,好鍾意搵朋友搞遊艇party,然後搵一班女模上船玩,搵到對象就會在船上留宿,我聽其中一位曾參加過他party的女模小莉說:「我哋上去純粹係睇吓大明星,搵個地方同啲姊妹聚吓,唔係諗住同O記搞嘢㗎,但嗰次佢想留低我同另一姊妹喺船過夜,叫一位請我哋上船嘅江湖大佬成哥問我哋意願,成哥講明唔會勉強,咁我同嗰位姊妹都推咗,因為我哋覺得O記走晒樣,又肥又腫,真係有老態,所以我哋拒絕咗。」

小莉覺得O記這種明星,完全是玩一夜情心態,既然大家都是抱住出來玩的心態,當然要找個型男,小莉表示:「我哋個圈子成日都聽到O記搞呢啲遊艇party,俾佢食完啲女話,玩完一次就冇下文,就算問佢攞個聯絡電話都唔俾畀,擺明係唔想再同佢哋再有關連,我覺得O記呢類明星真係太現實,所以我真係冇興趣俾佢搞,參加佢嘅party純粹八卦心態。」

O記除了喜歡舉辦這種遊艇party外,有時去大陸工作都會召妓,聽一位知情朋友說:「O記有次去到上海做嘢,夜晚落咗一間有女坐枱嘅卡拉OK玩,佢好鍾意叫5、6條女陪飲酒唱歌,玩完直接揀合心水嘅女仔上酒店房,不過佢話晒係大明星,都怕俾人見到,所以每次都係自己走先,然後再叫人送女仔上房,佢都幾爛玩,每次嚟3、4日,晚晚都係咁玩,真係好精力,陪佢啲朋友都話玩到殘,等佢走咗先有覺好瞓,做過佢生意啲女話O記都幾大方,畀唔少小費,同埋幾溫柔,係好客戶,唔同毛毛爺孤寒到死,叫女上房都係朋友請佢,服侍完佢小費都冇。」

-----------------------------

作者介紹:白露眉,縱橫娛樂圈35年的資深記者,看盡圈中人情冷暖;這年頭,地球病了,娛樂圈轉慢了,白露眉是時候出手了,在《蘋果》分享【非常人•非常事】,跟「蘋民」圍爐取暖。這次會一周寫兩期,每逢周三和周日刊登,不過周日不會開名寫人物,我會以秘聞方式寫娛樂圈的有趣事。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner