帝鋒金融之子李俊亨嫌鍾培生口氣大 挑機上擂台:佢一定笠水

更新時間 (HKT): 2021.05.03 17:19
(IG圖片)

鍾培生與林作百萬拳賽「林鍾一戰」將於9月開戰,拳賽未開始已引發「牙骹戰」散出濃烈火藥味。為拳賽積極備戰的林作,前日率先踏上擂台打處男之戰,鍾培生乘機踩場觀賽,並開live直播賽事加以評論,鍾培生的言論卻觸發林作教練,跟鍾培生同樣家族來頭不少的李俊亨(Henry)不滿。

帝鋒金融Henry昨日分別在IG及社交平台轉載鍾培生當日live畫面,並以《鍾培生先生呢排係咪走得太多會員,又少咗新聞所以周圍搵火頭辣?》為題,撰寫長文指鍾培生聲稱可以擊倒林作,同時可以擊倒林作的Coach(教練)。

Herny表明身份指自己跟曾海蘭(Nana)是當日林作的教練,更列出2人之前各項比賽成績,當中Nana教練是世界武術散打錦標賽銅牌、世界泰拳錦標賽銅牌及香港泰拳冠軍等,而Herny本人則是日本Shoot Boxing內卡專業賽拳手及香港Shoot Boxing冠軍和香港散打冠軍等,他向鍾培生挑機,寫上「如鍾生所講一次過knock out我哋兩位?鍾先生一直係一位有誠信嘅人,佢一發言必定係一定會做得到的,一言既出駟馬難追。no bull shit let’s go!不過其實我都係覺得鍾先生係因為呢排會員少咗,所以想來抽吓我哋水啫」。

論財力實力足以挑機

現職帝鋒金融集團董事總經理Henry,家族身家不比鍾培生家族少,論財力及實力有足夠份量挑機鍾培生,Henry是專業搏擊運動員,也是一名前飛機師教練及法庭貴金屬專家證人,對於鍾培生一番言論,Henry今日接受《蘋果》電話訪問,問到他是否想向鍾培生挑機上擂台?他說:「我唔使同佢挑機,因為佢冇資格,我哋大纜都扯唔埋,不過佢當日踩場,擺明就係抽我哋水,仲焫埋我同Nana教練,咁大口氣,我唔介意同佢打,唔使等半年,隨時可以打。」

鍾培生避談應戰

Henry表示之前跟鍾培生是跟同一位教練練拳,但強調不是朋友,他說:「佢擺明就係恰林作,用最強打拳嚟打,點解唔同林作辯論。佢成世人都未輸過,係家庭教育問題,成日要威就要威到盡,等我用佢格言『no bull shit let’s go!』唔好只係『bull shit no let’s go!』」

再問到是否想教訓對方?Henry說:「我冇佢咁大口氣話要打死佢,但亦要畀個機會佢明白,運動唔係用嚟蝦人,畀個機會佢跟我學嘢。我本來都唔想理佢,佢有佢搞佢啲唔成熟嘢,我搞我自己事業,我做我自己搏擊訓練,但佢竟然話可以knock out我,同我尊敬嘅Nana教練,我就一定要回應,不過佢一定笠水。」對於被Henry指抽水、口氣大及不介意應戰,鍾培生以短訊回覆時避談相關問題,只表示月內將會拍片評價林作拳賽的表現,卻沒回應會否應戰。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner