游學修IG晒「龍志權」故弄虛玄 網民猜王雍泰疑過檔:佢幾啱試當真

更新時間 (HKT): 2021.05.03 17:21

王雍泰(Nicky)於2016年入職毛記電視,日前宣佈搣甩「龍志權」個朵,用回真名在娛圈發展,不少人估他將過檔ViuTV,事關他之前曾參加ViuTV 選秀騷《全民造星》進入最後10強,之不過昨日游學修在IG貼出王雍泰的單人照,更故弄虛玄打上3個問號,有人好奇他是否正式加入《試當真》,另有網民稱王雍泰似key落照片,笑問「P圖嚟咋!?」

由骨幹成員游學修、許賢、蘇致豪(豪哥)及林家熙(Locker)組成的YouTube頻道《試當真》,短短半年已吸納近廿萬訂閱人數、近2,000萬次總收看次數,絕對是人氣急升的網絡平台,就算招攬「龍仔」並不出奇。網民亦紛紛留言表示超期待,「癲喎咁真係」、「睇咗佢最後一集《毛記偽人》配音超入戲,佢真係啱拍戲,但試當真班仔好麻甩,佢Crossover會幾好,長期合作就唔知點」、「早排佢宣佈同毛記份約完咗,而家應該係自由身,周圍傾吓偈都冇問題」等。

有網民希望「龍仔」入ERROR取代保錡,有網民反駁認為「龍仔」有創意,可能會頂死阿Dee,有感ERROR一山不能藏二虎,而且冷面笑匠已經有193,「覺得佢唔係ERROR個Vibe,佢幾啱試當真」、「佢啱做啲短劇,冷面笑匠嗰類,就即係試當真嗰種。ERROR多啲真人騷就唔太啱佢,記得《全民造星》嗰陣,佢唔係On show都唔多出聲」。

一眾網民普遍支持「龍仔」加入,更有網民想睇龍仔和Locker做對手戲,覺得他比較啱拍YouTube影片

早前有網民直斥《100毛》上市後,製作質素「越做越廢」,覺得盤菜瑩子及「龍仔」離巢也合理。28歲「龍志權」王雍泰曾就讀喇沙書院,及後於香港專業教育學院主修工商管理,2016年因製作二次創作短片《地鐵超人》彈起,2018年參加ViuTV 真人騷《全民造星》,雖然進入最後10強,但他因毛記藝人身份,沒跟簽約ViuTV,他曾為《六點半左右新聞報道》、《星期三港案》等節目擔任主播及旁述,經常模仿韓國人以廣東話口音作自我介紹,又用韓文「莎啦嘿喲」加韓式心心手勢作為他的招牌動作,「韓流主播」形象讓人熟悉。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner