裕美狂踩林作乸型度縮食軟飯 內涵吸引抵銷缺點

更新時間 (HKT): 2021.05.03 21:18

裕美晚上在觀塘參與網上直播音樂會,已有一年多沒有表演機會,她說只會在沖涼時才有機會唱。她平時不願意跟男友林作合唱,批評林作說話聲線:「佢講嘢好乸,撚狗時又扮cute,對住我講嘢又太乸,我講嘢仲man過佢。佢唱歌又五音不全,好似細路仔吊高把聲,但又有時壓低聲唱,我經常投訴佢要man啲。」裕美喜歡較雄壯的男人,自爆有時在房未去到床上已很厭惡這男友,不過讚林作有內涵和有安全感。

昨日林作參加拳賽,裕美表示他頸和手臂肌肉拉傷,但她不感「肉痛」:「對佢從來唔會,我有話介紹物理治療師畀佢,但佢想要自然好。」她曾笑言會打死林作,就算林作練拳後她也不怕被打倒,很權威地表示:「佢試吓打我,我實打死佢,佢唔敢撩我,成日都話因為我養佢。」

裕美越爆越多,自信地謂做生意賺的錢比林作的收入多幾倍,更會每月支付生活費給林作:「自從我哋一齊之後,佢媽咪就冇養佢,所以通常出街都係我畀錢,我就好闊綽嘅,反而有時佢畀錢就計住,佢好度住啲錢。」裕美謂每月找林作詢問簡單的法律資訊,以5位數字作酬勞,笑謂現當作是投資,期望將來有收穫從林作身上撈一大筆。她又爆林作母親很疏爽買很貴的名牌手袋,搭的士找續少2元卻會投訴,裕美指可能富有的人就會計較一點,但她則覺得對錢財計較不容易發達。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner