陳明憙29歲生日收驚喜面紅 黃劍文手持鮮花現身唱生日歌

更新時間 (HKT): 2021.05.03 17:00

陳明憙(Jocelyn)昨日在排練「攜手瞳行慈善音樂劇場」中度過29歲生日,由於音樂劇公演在即,正日生日都要回到新蒲崗的排練場地加緊操練。過去一個月,台前幕後差不多每日都要排練,彼此建立了深厚感情,主辦單位特意聯同明憙父母,製造秘密驚喜為壽星女慶祝。

當日眾人如常回到排練場地,音樂劇導演釗鑫安排黃劍文穿上預先準備的西裝外套,手持鮮花現身,帶領眾人唱生日歌,明憙一時間也來不及反應,稍待心情平復,才懂得取笑黃劍文:「差啲俾你chok親,真係搞到我紅都面晒,仲有3個蛋糕,女仔收到花又會特別開心。我每年生日願望都係一樣,唔想再有虐待動物嘅事發生,今年多咗一個,希望音樂劇場能夠演出成功,我剛剛收到消息,兩場門票已經賣晒,因為成個show係為慈善籌款,亦啟發到我會有更多諗法,究竟可以點樣幫到身邊有需要嘅人。」

明憙近年考獲音樂治療師資格,先後幫助了身邊不少朋友,解決失眠、情緒等問題,她說:「下月推出新歌,希望將音樂治療融會流行音樂,令更多人認識音樂治療嘅好處。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner