黃劍文37歲繼續追夢 中三輟學籲年輕人珍惜讀書機會

更新時間 (HKT): 2021.05.04 06:00

黃劍文(Kimman),名字有點陌生,但如果有收看去年ViuTV舉辦的《全民造星III》,對演唱Rock版《我們的愛》獲評判一致讚好的他,相信有點印象。是的,成長於單親家庭,繼而經歷母親自殺離世之痛,中三輟學至24歲才開始追夢的人,正是他!

現年37歲的Kimman自嘲不再年輕,但仍然努力追尋音樂夢,早年已由悲痛中站起來的他,還寄語年輕人要珍惜現在擁有的。他以過來人身份分享:「一定要珍惜擁有嘅嘢,如果屋企人畀到你讀書,就要珍惜讀書時間,如果真係冇興趣讀書,就學啲有興趣嘅嘢,朝住自己方向走。我自己都係讀到中三,但仍然走到自己嘅路,我覺得可以搵有興趣嘅嘢做,好似busking就令我接近咗夢想,因為原來真係有人聽到我嘅歌,用咗我嘅歌去做主題曲。」busking

今日的Kimman正能量滿滿,臉上經常帶着笑意,但其實他經歷過一段非常黑暗的日子,那就是其母在2009年自殺離世。他說:「我覺得我以前活着為咗媽咪,想做啲嘢畀佢睇,佢走咗就乜都變得無意思,無嘢值得我留戀,當時好想離開呢個世界,覺得好辛苦,好彩最後因為音樂同信仰,令我可以走番出嚟。」Kimman指,母親當年15歲生了他,他出生以來從未見過生父,當然也沒有感受過父愛,「我記得13、14歲,成日都聽到媽咪同後父鬧交,有次講到我嘅讀書問題,講關於我讀私校、讀唔讀書嘅問題,我有問自己,點解我會喺呢個家庭成長?我係咪唔喺呢個世上好啲?生存有乜意義呢?嗰時都有思考人生!」

母親離世,Kimman坦言是他決定離開香港傷心地的重要原因,加上見朋友在澳洲工作假期好開心,於是便決定申請,惟抵達澳洲後發現在當地busking兩、三個小時,收入比上班七、八小時更多,於是展開了他的busking生涯,四年去了17個國家、30多個城市。Kimman說:「有時當你乜都冇,去到一個盡頭,再嘗試新事物就是一個起點,就好似自己踏出一步去澳洲,就睇到唔同嘅世界,唔同嘅天空。」

最近Kimman參與音樂劇《攜手瞳行慈善音樂劇場》,在舞台上感受視障跑手梁小偉(Gary)當年一夜變盲,面對失明、 失業、失戀「三失」那種崩潰,他不諱言演出這個角色,令近年性格變得樂觀的他,勾起不少傷心往事,更自爆首次與導演見面已經爆喊,完全感覺到Gary那種痛。訪問當日,Kimman分別充當Gary的領跑員,以及由領跑員帶領着蒙眼跑步,從Gary的角度體驗視障跑手的感受。當日Gary亦帶同導盲犬GaGa同行,Kimman更趁機向Gary了解導盲犬的生活。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner