吳業坤孖193合照不怕方丈小器 口窒窒:未擔心前途

更新時間 (HKT): 2021.05.04 22:45

ViuTV《全民造星》的成功,不止捧紅人氣王姜濤,連MIRROR和ERROR都上位,ERROR成員193(郭嘉駿)的人氣更拍得住姜B,就連在樂壇「消失」半年、曾兩奪叱咤「我最喜愛的男歌手」的吳業坤,昨日都在社交網貼孖193攬頭攬頸合照,留言:「講咗成年後生仔唱下歌」,不過網民就擔心坤哥此舉會觸動大台的神經,紛紛留言:「完咗約啦?咁寸嘅?」、「你係咪準備過檔呀?」、「我覺得你有潛質入ERROR」

今日坤哥返電視城錄影《勁歌金曲》,對於跟敵台193合照,網民擔心他的前途,坤哥說:「我我我都...…未擔心自己前途嘅,因為我都諗過嘅,因為兩年前我嘅演唱會,MIRROR有嚟過做嘉賓,嗰次好開心,多啲唔同合作係好事嚟。」問到兩人是否將有合作?坤哥坦言:「其實講咗成年,之前佢有唱過我嘅歌,不如一齊唱開心啲,去日本之前講嘅,所以返到嚟隔離完,見吓面傾唱歌編曲。」

之前坤哥去了日本working holiday,足足離港半年:「返嚟見到大家對我熱情冇減退,『坤哥,你返嚟啦!』好感恩,好多人都話走咁耐,啲人唔記得你啦,多謝大家好錫我,畀好多機會我。」在節目中他會跟三位素人合唱,半年沒表演感緊張:「希望冇畀其他人批評得咁金啦!」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner