林作聯同拳擊教練Henry做直播 呼籲鍾培生挑機後唔好「笠」水

更新時間 (HKT): 2021.05.04 23:53

林作和鍾培生將於9月舉行百萬拳賽「林鍾一戰」,拳賽未開始已連場「牙骹戰」。日前鍾培生踩場林作處男擂台戰,更向林作教練李俊亨(Henry)挑機。本身是有米富二代的Henry,更是香港散打冠軍,現職帝鋒金融集團董事總經理,昨日Henry開控指鍾培生愛抽水、口氣大,又向對方宣戰,但鍾培生至今未有回應。

今晚Henry連同林作在網上開直播談「抽水王」鍾培生,兩人先提及上周六(1日)林作的處男戰,林作說︰「我哋不知情下,鍾生嚟觀戰,其實冇問題,但喺我打緊嘅過程中,佢拍片指住Henry同我,話全部都可以knock out,呢件事真係好可笑,佢憑咩?」Henry接着說︰「你(指鍾培生)寸佢(指住林作)knock out佢都得,但講knock out教練同埋香港泰拳拳后曾海蘭(Nana),聽到我真係好睇唔過眼、好不齒,之後我寫咗段文,係衝動咗。」

林作指自己是外行人,而Henry份人好謙更是拳擊界非等閒之輩,林作說︰「多年前其實佢(指鍾培生)可以一早同Henry打,但佢嗰日對住擂台挑機,就不如上台認真打一場。如果要打老早佢哋可以打,但佢今次出post後,又唔即刻覆。你(指鍾培生)恰我就得,你假假哋都30歲幾人要負責任,無啦啦挑機。」

Henry提到2月之前跟林作並不認識,直至他去向師傅拜師,而鍾培生當日叫齊記者上去,Henry說︰「後來知道鍾培生叫師傅免費教阿作,其實佢間屋都20億,攞得出100萬俾阿作,點解仲要壓榨師傅呢?即係搵向師傅笨。當時我覺得一個唔俾,一個叫人俾,所以我好嬲,拍片叫鍾生找數。」而林作當時是毫不知情。

Henry認為拳擊運動,不是打爛仔交,林作在直播中向鍾培生作出呼籲快點回應︰「都過咗3日喇,鍾生都冇回應。」Henry接着說︰「唔想講打講殺,唔想將個運動被污染。」最後Henry對鍾培生表示︰「人誰冇過,如果佢話當時係衝動咗,冇問題嘅,大家可以做吓朋友傾吓拳擊。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner